بەخێربێن

زانکۆی ئەمریکی لە عێراق، سلێمانی زانکۆیەکی سەربەخۆیە بە سیستەمی لیبراڵ ئارت بە شێوازی ئەمریکای باکور، کە لە ساڵی ٢٠٠٧ دامەزراوە. زانکۆکە بە پێشکەشکردنی خوێندنی باڵا و کوالێتیی بەرز بە زمانی ئینگلیزی ناسراوە و هەوڵ دەدات فێرخوازان بۆ سەرکەوتن لە ژیانی ئەکادیمی و پیشەییدا ئامادە بکات.
لە زانکۆکەمان، فێرخوازان توانا و لێهاتوویی خۆیان لە بیرکردنەوەی ڕەخنەگرانە، چارەسەرکردنی کێشەکان و قسەکردنی کاریگەر لەبەردەم جەماوەر پەرە پێدەدەن، هەروەها ئامادە دەبن بۆ گرتنەدەستی ڕۆڵ و پۆستی باڵا لە داهاتوودا.
سەرکەوتنی زیاتر لە ٢٦٠٠ دەرچووی زانکۆ بەڵگەیەکی ڕوونە لەسەر کوالێتی و کاریگەریی پەروەردەی زانکۆکەمان. هەروەها، مامۆستایان و فەرمانبەرانی زانکۆ لە زیاتر لە ٢٠ وڵاتی جیاوازەوە هاتوون و ژینگەیەکی نێودەوڵەتی و دەوڵەمەند بۆ فێربوون و گەشەکردن دابین دەکەن.
بانگهێشتت دەکەین زیاتر لەسەر زانکۆکەمان بزانیت و ببیتە بەشێک لە کۆمەڵگەی زانکۆی ئەمریکی لە عێراق، سلێمانی