لینکی خێرا
- سەردانمان بکەن
- داواکاری پێشکەش بکە
- پێوەرەکانی وەرگرتن
- تێچووی خوێندن
- سکۆلارشیپ و سپۆنسەر
- بەشی ناوخۆیی
- پرسیارە باوەکان
پەیوەندی
[email protected]
+964 (0)770 461 5555 (Kurdish)
+964 (0)750 704 1344
+964 (0)772 773 7388 (Arabic)
داواکاری پێشکەش بکە
ئەگەر ئامادەیت بۆ دەستپێکردنی گەشتێکی سەرنجڕاکێشی ئەکادیمی، ئێستا باشترین کاتە بۆ پێشکەشکردنی داواکاری بۆ زانکۆ.
بەدواداچوون بۆ خوێندن دەرگا بۆ دەرفەتە نوێیەکان دەکاتەوە، ئاسۆکانت فراوانتر دەکات و بە زانیاری و کارامەیییە پێویستەکانت دەوڵەمەند دەکات کە یارمەتیت دەدەن داهاتوویەکی سەرکەوتووتر بۆ خۆت بنیاد بنێیت.
جا ئەگەر تازە دەرچووی قۆناغی ئامادەییت، یان پیشەگەری و دەتەوێت گەشە بە کار و پیشەت بدەیت، یان حەز دەکەیت شوێن بە ئارەزوو و بەهرەکانی خۆت بکەویت، پێشکەشکردنی داواکاری بۆ زانکۆ یەکەم هەنگاوە بۆ گەیشتن بە ئامانجەکانت.
دوودڵ مەبە و ئێستا داواکاری پێشکەش بکە. هەنگاوێکی گرنگ بنێ بۆ گەشەی کەسی و پیشەیی و بۆ درێژەدان بە ڕێگای خوێندنت.
بەروارەکانی پێشکەشکردنی داواکاری بۆ خوێندن لەم ساڵدا 2027/2026:
وەرزی پاییز:
| # | دوا وادە بۆ خۆناونوسکردن | وادەی دەستکردن بە خوێندن |
|---|---|---|
| پرۆگرامی ئامادەسازی ئەکادیمی | 25 تشرینی یەکەم , 2026 | 1 تشرینی دووەم, 2026 |
| بەکالۆریۆس | 5 ئەیلوول, 2026 | 13 ئەیلوول, 2026 |
| ماستەر لە کارگێڕی کار | پێشکەشکردنی داواکاری خوێندن بەردەوامە تاکو ناوەڕاستی مانگی کانوونی دووەم | کۆتایی تشرینی یەکەم و دەرفەتی وەرگرتنی فێرخواز تاکو کۆتایی کانوونی دووەم |
وەرزی بەهار:
| # | دوا وادە بۆ خۆناونوسکردن | وادەی دەستکردن بە خوێندن |
|---|---|---|
| پرۆگرامی ئامادەسازی ئەکادیمی | 5 شوبات, 2027 | 14 شوبات, 2027 |
| بەکالۆریۆس | 30 کانوونی دووەمی, 2027 | 7 شوبات, 2027 |
پێشکەشکردنی داواکاری کارێکی زۆر ئاسانە:
01
داواکاری پێشکەش بکە خۆناونوسکردن لەڕێی ئەم لینکە
02
تۆمارکردن بۆ تاقیکردنەوەی دیاریکردنی ئاستی زمانی ئینگلیزی لە کاتی پڕکردنەوەی فۆڕمی داواکاری، دەبێت بۆ تاقیکردنەوەی دیاریکردنی ئاستی زمانی ئینگلیزی تۆمار ببیت. ئەو ڕێککەوتە هەڵبژێرە کە گونجاوە بۆت. ئەگەر دەرچووی قوتابخانەی نێودەوڵەتی بیت یان خوێندنت لە بەریتانیا یان ئەمریکا تەواو کردبێت، لە ئەنجامدانی ئەم تاقیکردنەوەیە بەدەر دەبیت و دەتوانیت هەنگاوەکانی ٢ تا ٤ تێپەڕێنیت.
03
تاقیکردنەوەی دیاریکردنی ئاستی زمانی ئینگلیزی ئەنجام بدە تاقیکردنەوەی دیاریکردنی ئاستی زمانی ئینگلیزی لە زانکۆی ئەمریکی لە عێراق، سلێمانی ئەنجام بدە (یەکەم هەوڵ بەخۆڕاییە)، یان ئەنجامی تاقیکردنەوەیەکی فەرمی زمانی ئینگلیزی وەک IELTS، TOEFL یان Duolingo پێشکەش بکە. دەتوانیت زانیاریی زیاتر دەربارەی تاقیکردنەوە پەسەندکراوەکان لە بەشی مەرجەکانی تاقیکردنەوەی زمانی ئینگلیزی ببینیت. ئەنجامی تاقیکردنەوەکەت دیاری دەکات ئایا ئامادەیت ڕاستەوخۆ دەست بە خوێندن لە پرۆگرامەکانی بەکالۆریۆس بکەیت یان پێویستە سەرەتا دەست بە پڕۆگرامی ئامادەکاریی ئەکادیمی (APP) بکەیت.
04
وەرگرتنی ئەنجامەکان دوای ئەنجامدانی تاقیکردنەوەکە، ئەنجام و بڕوانامەی تاقیکردنەوەکەت لە ڕێگەی ئیمەیڵەوە لەلایەن بەشی وەرگرتنەوە بۆت دەنێردرێت، لەگەڵ زانیاریی هەنگاوەکانی داهاتووی پڕۆسەی داواکارییەکەت.
05
یەکسانکردنی بڕوانامە (بۆ دەرچووانی قوتابخانە نێودەوڵەتییەکان) قوتابیانی دەرچووی قوتابخانە نێودەوڵەتییەکان یان ئەوانەی خوێندنیان لە دەرەوەی وڵات تەواو کردووە، دەبێت بڕوانامەکانیان یەکسان بکرێتەوە. زانکۆ نامەی پشتگیریی پێویست بۆت ئامادە دەکات تاکو لەگەڵ بڕوانامە و نمرەکانت پێشکەشی ئۆفیسی ئەزموونەکان لە وەزارەتی پەروەردە لە هەولێر بکەیت. بۆ زانیاریی زیاتر، تکایە بەڵگەنامەی تایبەت بە مەرجەکانی قوتابیانی نێودەوڵەتی بخوێنەرەوە.
06
وەرگرتنی نامەی قبووڵکردن ئەگەر قبووڵ بکرێیت، بەشی وەرگرتن نامەی قبووڵکردنت بۆ دەنێرێت و ئاگادارت دەکاتەوە بە کۆتا ڕێککەوتی تۆمارکردن. لەو کاتەدا دەبێت بڕوانامەی کۆتایی (یان ئەو نمرانەی تا ئەو کاتە بەردەستن) پێشکەش بکەیت، گرێبەستی خوێندن واژۆ بکەیت و دەست بە خوێندن لە زانکۆ بکەیت. بۆ ئەو قوتابیانەی لە مانگی ئەیلوول دەست بە خوێندن دەکەن، پێش پێشکەشکردنی نمرە کۆتایییەکان گرێبەستێکی تۆمارکردنی پێشوەخت واژۆ دەکرێت.
