پەیامی سەرۆکی زانکۆ

د. بیلال وەهاب

سەرۆکی زانکۆی ئەمریکی لە عێراق، سلێمانی 

زانکۆی ئەمریکی لە عێراق، سلێمانی ئەو دەرفەتەم پێدەبەخشێت خوێندنێکی ئاست بەرزی جیهانی پێشکەش بە نەوەی نوێ بکەم.

بەخۆشحاڵیەوە وەک سەرۆکی نوێی زانکۆی ئەمریکی لە عێراق، سلێمانی گەڕاومەتەوە سلێمانی، شاری لە دایکبوونم. زانکۆی ئەمریکی لە عێراق، سلێمانی هەمیشە جێگەیەکی تایبەتی لە دڵمدا هەبووە و خۆشحاڵم بە ڕابەرایەتی کردنی ئەم زانکۆ ناوازەیە بەرەو قۆناغی داهاتووی.

هەرچەندە زانکۆی ئەمریکی لە عێراق، سلێمانی زانکۆیەکی تا ڕادەیەک نوێیە، ناوبانگێکی زۆر باشی هەیە لە کوردستان و سەرانسەری عێراق و ناوچەکە و تەنانەت ئەمریکاش. دەرچووە لێهاتووەکانمان بەردەوامن لە بەرجەستەکردنی ڕۆحی زانکۆی ئەمریکی لە عێراق، سلێمانی بەهۆی بەردەوامیان و خزمەتیان لە بەرەوپێشبردنی کوردستان و عێراق و ناوچەکە.

وەک توێژەرێکی فولبرایت لە ویلایەتە یەکگرتووەکانی ئەمەریکا، توانای بەهێزی پەروەردەی ئەمریکیم ئەزموون کردووە — پەروەردەیەک کە جیاوازی لەخۆ دەگرێت، گەشە دەدات بە بیرکردنەوەی ڕەخنەگرانە و هانی نایابی پیشەیی دەدات. زانکۆی ئەمریکی لە عێراق، سلێمانی ئەو دەرفەتەم پێدەبەخشێت خوێندنێکی ئاست بەرزی جیهانی پێشکەش بە نەوەی نوێ بکەم. جیهانی هەمیشە گەشەسەندوومان پێویستی بە سەرکردە گەنجە ڕۆشنبیرەکانە بۆ بەڕێوەبردنی گۆڕانکاری ئەرێنی. زانکۆی ئەمریکی لە عێراق، سلێمانی ئامادەیە ببێتە پێشەنگ لە بواری ئەکادیمی و هانی سەرکردەکانی داهاتوو بدات بۆ فێربوون و داڕشتنی داهاتوویەکی گەش.

لەگەڵ نزیک بوونەوە لە ساڵی نوێی خوێندن، بەخێرهاتنی دەستەی وانەبێژان و کارمەندان و فێرخوازە دڵسۆزەکانمان دەکەم. سەرەڕای ئاستەنگەکان، خوێندنێکی ئاست بەرز باشترین وەبەرهێنانە. بەخۆشحاڵییەوە پێکەوە ئەم گەشتە دەستپێدەکەین.

لەگەڵ ڕێزدا، 
 

د. بیلال وەهاب
سەرۆکی زانکۆی ئەمریکی لە عێراق، سلێمانی