پێوەرەکانی وەرگرتن | The American University of Iraq Sulaimani

Warning message

Mean Menu style requires jQuery library version 1.7 or higher, but you have opted to provide your own library. Please ensure you have the proper version of jQuery included. (note: this is not an error)

پێوەرەکانی وەرگرتن

پێوەرەکانی وەرگرتن

تیمی ئۆفیسی وەرگرتن لێرەن بۆ هاوکاریکردنی تۆ و ڕونکردنەوەی مەرجەکانی خوێندن لەبەشە ئەکادیمییە جیاجیاکان. هەر کاتێک پێویستت بەهاوکاری بوو تکایە لەڕێی ئەم ئیمەیڵەوە پەیوەندیمان پێوە بکە:

admissions [at] auis.edu.krd
+964 (0)770 461 5555
+964 (0)772 773 7388

دەشتوانیت لێرەوە   بەڕێگەیەکی ئاسان دڵنیا ببیتەوە لەوەی کە ئایا بۆت هەیە لەزانکۆکەمان بخوێنیت یاخود نا.

مەرجە ئەکادیمیەکان مەرجەکانی تایبەت بەزمانی ئینگلیزی

هەموو پرۆگرامێکی بەکالۆریۆس* مەرجی وەرگرتنی تایبەت بەخۆی هەیە لەسەر بنەمای ئەو نمرەیەی کە وەزارەتی خوێندنی باڵا دیاریی دەکات. تایبەت بەفێرخوازانی عێراقی ئەوانەی کە دەرچووی ئامادەیی گشتین، نمرەی کۆتاییان لەتاقیکردنەوەی بەکالۆریدا چەند بوە ئەوە بەهەند وەردەگیرێت. تکایە تەماشای مەرجی تایبەت بەنمرە بکە لێرەوە

تایبەت بەدەرچوانی ئامادەییە پیشەییەکان و پەیمانگەکان، بۆ ئاگاداربون لەمەرجەکانی وەرگرتن تکایە پەیوەندی بەئۆفیسی وەرگرتنەوە بکەن.
 
تایبەت بەدەرچوانی ئامادەییە نێودەڵەتیەکان، پاش پێشکەشکردنی داوای وەرگرتن بەزانکۆمان، فێرخواز دەبێت بڕوانامەی ئامادەییەکەی لەبەڕێوەبەرایەتیی تاقیکردنەوەکانی سەر بەوەزارەتی پەروەردەی هەرێم (هۆبەی ئەزمونەکان) هەموار بکات. ڕاوێژکاری وەرگرتن لەزانکۆمان بۆ ڕاییکردنی ئەو کارە بە وردی ڕێنوێنیی دەکات.
لەبەرئەوەی زانکۆمان زانکۆیەکی ئەمریکییە، سەرجەم قۆناغەکانی خوێندن بەزمانی ئینگیزی دەخوێندرێن تیایدا. بۆیە دەبێت سەرجەم ئەو فێرخوازانەی داوای خوێندن پێشکەشی زانکۆمان دەکەن تاقیکردنەوەی توانست لەزمانی ئینگلیزیدا ئەنجام بدەن، تەنها ئەوانەیان نەبێت کە دەرچوی قوتابخانە ئامادەییە نێودەوڵەتیەکانن. زانکۆمان تاقیکردنەوەی توانست لەزمانی ئینگلیزیدا بۆ فێرخوازان ڕێکدەخات (بەخۆڕایی و بێ پارە). 
نمرەی فێرخواز لەتاقیکردنەوەکەدا، دیاریی دەکات کە ئایا دەتوانێت ڕاستەوخۆ دەست بەخوێندنی پسپۆڕییە زانکۆییەکەی بکات، یان بەر لەدەستکردن بەخوێندنی پسپۆڕیی زانکۆیی دەبێت دەست بەخوێندنی پرۆگرامی ئامادەسازیی ئەکادیمی (پرۆگرامی فێربونی زمانی ئینگلیزی) بکات.
 
فێرخواز، بۆئەوەی دەست بەخوێندنی پسپۆڕیی زانکۆیی بکات، دەبێت لەتاقیکردنەوەی توانست لەزمانی ئینگلیزیدا ئەنجامەکەی بەمجۆرەبێت: 
 
تۆفڵ ئای بی تی: ٧٢  
ئایڵتس ٦.٥  
 
 

گواستنەوەی فێرخواز لەزانکۆی دیکەوە بۆ زانکۆمان

پرۆسەی پێشکەشکردنی داوای گواستنەوە جیاوازیی نییە لەگەڵ پرۆسەی پێشکەشکردنی داوای خوێندن، لەیەک شتدا نەبێت: 
"پێشکەشکار"ی داوای گواستنەوە، دەبێت نوسراوێکی فەرمی لەزانکۆکەیەوە بهێنێت بۆ زانکۆمان (نوسخەی کاغەز) کە بیسەلمێنێت لەو زانکۆیە ناونوس کراوە، یان لەڕێی ئیمەیڵەوە وێنەیەکی نوسراوە فەرمیەکە بە PDF بنێرێت بۆ: wala.talib [at] auis.edu.krd
پێشکەشکارانی داوای گواستنەوە دەبێت ماوەی ١ بۆ ٣ هەفتە چاوەڕوانبن تا وەڵامی گواستنەوەی کریدتەکەیان دەدرێتەوە.

خوێندن لەدەرەوەی وڵات لەزانکۆی ئەمریکی لە عێراق، سلێمانی

فێرخوازانی زانکۆکانی سەرجەم ناوچەکانی دنیا، شاییستەن بۆ خوێندن لە دەرەوەی وڵات لە زانکۆی ئەمریکی لە عێراق، سلێمانی. خوێندن لەدەرەوەی وڵات لەزانکۆی ئەمریکی لە عێراق، سلێمانی، بۆ ماوەی یەک ساڵی تەواو، لەشێوەی سیمیستەری ئاساییدا (پاییز یان بەهار)، هەروەها لەشێوەی تێرمی چڕی خوێندندا (هاوین یان زستان)، دەستەبەرو فەراهەمە.
خوێندن لەدەرەوەی وڵات لەزانکۆی ئەمریکی لە عێراق، سلێمانی، هەلێکی دەگمەن بۆ ئاشنابون بەژیان لە سلێمانی و هەرێمی کوردستان دەڕەخسێنێت، لەسەروەختی خوێندنی کۆرسە زانکۆییەکاندا، کە بەکوالیتییەکی بەرزی نێودەوڵەتی و بەزمانی ئینگلیزی دەگوترێنەوە. لەسەرجەم ناوچەکانی دنیاوە، فێرخواز هاتون و ماوەی خوێندنیان لەزانکۆی ئەمریکی لە سلێمانی بەسەربردوە. 
بۆ ئەوەی شاییستەبیت بۆ خوێندن لەدەرەوەی وڵات لە زانکۆی ئەمریکی لە عێراق، سلێمانی، دەبێت:
لە ئێستادا لە زانکۆیەکی دەرەوەی عێراق بەفول تایم وەرگیرابی و ناوت تۆمار کرابێت.
زمانی ئینگلیزی بزانیت (کۆرسی زانکۆییت بەزمانی ئینگلیزی خوێندبێت، یان نمرەی فەرمی و پێویستت لەتاقیکردنەوەی TOEFL IBT یاخود IELTS) دا بەدەستهێنابێت.
 

هەواڵەکردنی کریدت 

توانای هەواڵەکردنی کریدت، لەدامەزراوەیەکی لۆکاڵییەوە بۆ دامەزراوەیەکی تری لۆکاڵی جیاوازیی هەیە.
بۆ بەئاگابون لەتوانای هەواڵەکردنی کریدت بۆ زانکۆی ئەمریکی لە عێراق، سلێمانی، تکایە پێشوەخت پرس بەزانکۆکەت بکە. وردەکاریی تایبەت بەکۆرسەکانی خوێندن لەزانکۆی ئەمریکی لە عێراق، سلێمانی، لەکەتەلۆگە ئەکادیمیەکەماندا خراوەتەڕو. دەکرێت لەزانکۆکەتەوە پرسیار ئاراستەی زانکۆمان بکرێت لەڕێی: admissions [at] auis.edu.krd

چۆنیەتیی داواپێشکەشکردن

بۆ ئاگاداربون لە وردەکاریی خوێندن لەدەرەوەی وڵات لەزانکۆی ئەمریکی لە عێراق، سلێمانی، پەیوەندی بەخاتو "وەلاء طالب، بەڕێوەبەری بەشی وەرگرتن"ەوە بکە لەڕێی: wala.talib [at] auis.edu.krd.
دەبێت ئامادەبیت بۆ پێشکەشکردنی:
نوسراوی فەرمی لەزانکۆکەتەوە بۆ زانکۆمان کە بیسەلمێنێت لەو زانکۆیە ناونوس کراویت.
بڕوانامەیەک کە بیسەلمێنێت زمانی ئینگلیزی دەزانیت. 
 
تکایە ئاگاداری ئەوەبن کە فێرخوازانی "خوێندن لەدەرەوەی وڵات، بەگوێرەی سیستمی عێراقی،  پێویستیان بەهاوتاکردنی بڕوانامە نییە بۆ ئەوەی شاییستەبن بۆ "خوێندن لەدەرەوەی وڵات.
 

پرۆگرامە ئەکادیمییەکان ئامادەیی – زانستی ئامادەیی – ئەدەبی
کۆلێژی پزیشکی ددان    
بەکالۆریۆس لە نەشتەرگەری ددان 90%  
کۆلێژی دەرمانسازی    
بەکالۆریۆس لە دەرمانسازی 84%  
بەشی کارگێڕی کار    
بەکالۆریۆس لە کارگێڕی کار 55% 55%
بەکالۆریۆس لە بەڕێوەبردنی سەرچاوە مرۆییەکان 55% 55%
بەکالۆریۆس لە بە بازاڕکردنی دیجیتاڵ و تۆڕە کۆمەڵایەتییەکان 55% 55%
بەشی ئەندازیاری    
بەکالۆریۆس لە ئەندازیاری شارستانی 80%  
بەکالۆریۆس لە ئەندازیاری میکانیک 75%  
بەکالۆریۆس لە ئەندازیاری ووزە 75%  
بەکالۆریۆس لە ئەندازیاری پیشەسازی 75%  
بەکالۆریۆس لە ئەندازیاری زیرەکی دەستکرد و ڕۆبۆتناسی 75%  
بەشی ئینگلیزی    
BA Journalism 58% 58%
بەکالۆریۆس لە زمانی ئینگلیزی 60% 60%
بەکالۆریۆس لە وەرگێڕان     58% 58%
بەشی تەکنەلۆژیای زانیاری (IT)    
بەکالۆریۆس لە تەکنەلۆژیای زانیاری 60%  
بەکالۆریۆس لە ئاسایشی سایبەری 58%  
بەکالۆریۆس لە ئەندازیاری سۆفتوێر 75%  
بەشی لێکۆڵینەوە نێودەوڵەتییەکان    
بەکالۆریۆس لە لێکۆڵینەوە نێودەوڵەتییەکان 60% 60%
بەکالۆریۆس لە پەیوەندییە نێودەوڵەتیەکان 60% 60%
بەکالۆریۆس لە یاسا 65% 65%
بەشی زانستە پزیشکی و تەندروستییەکان    
بەکالۆریۆس لە زانستی تاقیگە پزیشکییەکان 62%