بەخێر بێن بۆ بەشی زانستە پزیشکی و تەندروستییەکان لە زانکۆی ئەمریکی لە عێراق، سلێمانی بەشەکەمان لە ساڵی 2018 دامەزراوە و بووە بە یەکێک لە بەناوبانگترین بەشەکانی زانکۆکە.

ئەرکی سەرەکیمان دابینکردنی خوێندنێکی ئاستبەرزە لەسەر بنەما و ستانداردەکانی ئەمریکا بۆ ئامادەکردنی پزیشکی شارەزا کە بتوانن خزمەت بە ناوچەکە و دەوروبەری بگەیەنن.

ئەندامانی دەستەی وانەبێژان بڕوانامە و ڕاهێنانیان لە زانکۆ نایابەکانی ئەمریکا و بەریتانیا و دەوروبەر وەرگرتووە. هەروەها بەشەکەمان تاقیگەی پێشکەوتوو لەخۆدەگرێت بۆ دابینکردنی ژینگەیەکی خوێندنی ئاستبەرز کە جەخت لەسەر ئەزموونی پراکتیکی دەکات لە ڕێگەی ڕاهێنانەوە.

ئێمە لە ئێستادا بڕوانامەی بەکالۆریۆس لە زانستی تاقیگە پزیشکییەکان پێشکەش دەکەین و پلانمان هەیە بۆ فراوانکردنی بەشەکەمان لە داهاتوودا. پرۆگرامەکەمان لەلایەن کۆمەڵەی پەروەردەی نێودەوڵەتی تەکساس (TIEC) دانپێدانراوە کە زیاتر لە 30 زانکۆی حکومی و تایبەت لە ویلایەتی تەکساس لە ئەمریکا لەخۆ دەگرێت.

ئێمە جەخت دەکەینە سەر ڕاهێنانی کلینیکی لەپێناو ئامادەکردنی فێرخوازان بۆ ژیانی دوای دەرچوون. لە پرۆگرامی زانستە تاقیگە پزیشکییەکان، فێرخوازان دوو وەرزی خوێندن و ڕاهێنانی کلینیکی چڕ لە نەخۆشخانە لەژێر سەرپەرشتی پزیشکانی بە ئەزموون دەخوێنن. ئەمەش دەرفەتێکی زۆر باش بۆ فێرخوازانی قۆناغی سێیەم دەڕەخسێنێت بۆ ئاشنابوون بە ژیانی ناو نەخۆشخانە و بەدەستهێنانی ئەزموونی بەنرخ.

شایەنی باسە بەشەکەمان بەردەوام کار لەسەر توێژینەوەی پزیشکی دەکات لەپێناو پەرەپێدانی توێژینەوە لە بوارەکەدا. ئەندامانی دەستەی وانەبێژان توێژینەوە لە بوارە سەرەکییەکانی زانستی پزیشکی وەک نەخۆشی، خوێنناسی، نەخۆشییە گوازراوەکان، دەرمانناسی، بۆماوەزانی، زیندەوەرزانی گەردیلە، و تەندروستی گشتی ئەنجام دەدەن. لە ساڵی ڕابردوودا، ئەندامانی دەستەی وانەبێژان چەندین توێژینەوەیان لە گۆڤارەکانی جیهان بڵاو کردووەتەوە. بەشداری لە چەندین کۆنفرانسی نێودەوڵەتی و نەتەوەیی کردووە. وە داهێنانی نوێی پزیشکیان کردووە بۆ چارەسەری نەخۆشی شێرپەنجە.

ئێمە پابەندین بە دابینکردنی خوێندنێکی ئاستبەرزی پزیشکی نایاب لە ڕێگەی یەکخستنی سێ بەشی سەرەکی پەروەردەی پزیشکی هاوچەرخ: فێرکردن، ڕاهێنانی کلینیکی و توێژینەوە.
 

The Department of Social Sciences and Law aims to bridge the gap between Europe and Asia, so that students experience a truly global education. The Social Sciences faculty offers two undergraduate degrees - International Studies (IS) and International Relations (IR). IS delivers a broad education in history, geography, economics, and politics; and students engage critical issues facing Iraq and the KRI with a global perspective. This major offers the most flexibility in the department, so that students can pursue a minor in Business, Law, Journalism, or even Climate Change or AI. 
In contrast, an IR degree offers a comprehensive view of issues related to political economy, comparative politics, and international relations with an introduction to international law. This degree combines theoretical training with practical knowledge, so that students become competent researchers who can add local perspectives to debates about global issues. 
Both degrees offer study abroad opportunities in Europe and Asia, as well as virtual exchanges with some of the top universities in Europe such as Cambridge and Charles University in Prague. Our alumni have experienced significant success pursuing graduate degrees and finding jobs in media, government, business, and prominent NGOs. 
If this sounds like you, the Admissions team can put you in touch with one of our faculty members to learn more about the different programs in the department.

بەخێرهاتنتان دەکەم بۆ کۆمەڵگە چالاکەکەمان، بەشی کۆمپیوتەر و تەکنەلۆژیای زانیاری. ئێمە پابەندین بە پەرەپێدانی داهێنان و نایابی لە خوێندن و توێژینەوەدا. بەشەکەمان تەرخانکراوە بۆ ئامادەکردنی فێرخوازان بە شارەزایی و زانیاری پێویست بۆ گەشەکردن لە بواری داینامیکی کۆمپیوتەر و تەکنەلۆژیای زانیاری. لە کۆرسی پێشکەوتووەوە بۆ پڕۆژە پراکتیکیەکان، ئێمە هەوڵ دەدەین ژینگەیەکی گونجاو دروست بکەین بۆ فێرخوازان تا بتوانن ئارەزووەکانیان بدۆزنەوە و تواناکانیان پەرە پێبدەن. ئەندامانی دەستەی وانەبێژانمان بە دڵسۆزی و پەرۆشیەوە ڕێنمایی فێرخوازان دەکەن لە گەشتە ئەکادیمییەکانیان. بەیەکەوە، ئێمە بیرکردنەوەی ڕەخنەگرانە پەرە پێدەدەین، هانی فێرخوازان دەدەین سنوورەکان ببەزێنن و کار لەسەر پرۆژەی داهێنەرانە بکەن.

بە پەرۆشم بۆ بەخێرهاتنی کردنی ئەو فێرخوازانەی ئارەزووی خوێندن دەکەن لە بەشەکەمان. گەشتی خوێندنەکەت لەگەڵ ئێمە دەستپێکە بۆ ئەوەی ببیتە پێشەنگ لە بواری کۆمپیوتەر و تەکنەلۆژیای زانیاری لە داهاتوودا. 
 

بەخێر بێن بۆ بەشی ئەندازیاریی زانکۆی ئەمریکی لە عێراق، سلێمانی. فێرخوازان لەم بەشەدا دەست دەکەن بە گەشتێکی سەرنجڕاکێش لە فێربوون و داهێنان. پرۆگرامەکانمان بە جۆرێک داڕێژراوە کە تێگەیشتنێکی پتەو لە بنەماکانی ئەندازیاری و زانست پێشکەش دەکات. کۆرسەکانمان بناغەیەکی بەهێزت بۆ دابیندەکات لە هەموو بوارە سەرەکییەکانی ئەندازیاریدا.

بەشی ئەندازیاری زانکۆی ئەمریکی لە عێراق، سلێمانی سەرەڕای تیۆری، جەخت دەکاتە سەر کاری پراکتیکی. فێرخوازەکانمان ئەزموونی پراکتیکیان هەیەو کار لەسەر پڕۆژە هەمەجۆرەکان دەکەن لەسەر ئاستی جیهانی و نوێترین تەکنەلۆژیا و ئامرازەکان بەکاردەهێنن بۆ ڕووبەڕووبوونەوەی ئاستەنگەکان لە جیهانی ئەندازیاریدا.

هەروەها دەستەی وانەبێژانی دڵسۆز و بە ئەزموونەکانمان لێرەن بۆ ڕێنمایی و پشتیوانیکردنت لە هەموو هەنگاوەکان. ئەوان ئەزموونی پراکتیکیان دەهێننە ناو هۆڵەکانی خوێندنەوە و دەرفەتی کارکردن بە کۆمەڵ دەڕەخسێنن بۆ فێرخوازەکان لەپێناو چارەسەرکردنی کێشەکان بە شێوازی هاوچەرخ.

ئەگەر خەونت دیزاینکردنی بینا و دروستکردنی ئامێری داهێنەرانە و پەرەپێدانی تەکنەلۆژیای نوێیە، بەشی ئەندازیاری زانکۆی ئەمریکی لە عێراق، سلێمانی باشترین هەڵبژاردەیە بۆ دەستپێکردنی گەشتەکەت. ئێمە بە پەرۆشەوە چاوەڕێی داهێنان و لێهاتووییەکانی تۆین. 
 

بەخێر بێن بۆ بەشی کارگێڕی کار! ئێمە بە خۆشحاڵیەوە فێرخوازان ئامادە دەکەین بۆ ئەوەی ببنە پێشەنگ لە داهاتوودا.

بەشەکەمان سێ پرۆگرامی بەکالۆریۆس پێشکەش دەکات: بەکالۆریۆس لە کارگێڕی کار، بەکالۆریۆس لە بەڕێوەبردنی سەرچاوە مرۆییەکان و بەکالۆریۆس لە بەبازاڕکردنی دیجیتاڵ و تۆڕە کۆمەڵایەتیەکان. هەروەها دەرفەتی ووردبوونەوە پێشکەش بە فێرخوازان دەکەین لە ژمێریاری، بەڕێوەبردن، ئابووری، بەبازاڕکردن و دارایی. سەرەڕای ئەوەش، فێرخوازانی بەشەکانی تر دەتوانن بە شێوازێکی لاوەکی هەریەک لەم بەشانە وەک (Minor) بخوێنن: کارگێڕی کار، بەڕێوەبردنی کار، ئابووری.

زانکۆی ئەمریکی لە عێراق، سلێمانی لە ساڵی 2007 دامەزراوە بۆ پێشکەشکردنی خوێندنێکی هاوچەرخ بە شێوازی ئەمریکی لە عێراق. زانکۆی ئەمریکی لە عێراق، سلێمانی زانکۆیەکی سەربەخۆ و قازانج نەویستە. پرۆگرامێکی ئامادەسازیی ئەکادیمی باوەڕپێکراوی هەیە بۆ پەرەدان بە توانستی زمانی ئینگلیزی فێرخوازان و ئامادەکردنیان بۆ خوێندنێکی سەرکەوتووی بەکالۆریۆس بە زمانی ئینگلیزی.

هەروەها شایەنی باسە، پرۆگرامی ماستەر لە زانکۆی ئەمریکی لە عێراق، سلێمانی بەردەستە بۆ ئەو فێرخوازانەی بەنیازن بەردەوام بن لە خوێندن. بەشەکەمان سەدان دەرچووی لێهاتووی هەیە کە لە بوارە جیاجیاکاندا دەستبەکاربوون. هەندێک لە دەرچووانمان لە زانکۆ بەناوبانگەکانی ئەمریکا و ئەوروپا وەرگیراون و هەندێکیان بوون بە مامۆستای زانکۆ.

زانکۆکەمان بە نایابی ناسراوە لە عێراق و ناوچەکەدا! زانکۆی ئەمریکی لە عێراق، سلێمانی هەوڵ دەدات فێرخوازان بە جۆرێک ئامادەبکات لە دواڕۆژدا ببنە سەرکردەی لێهاتوو و ئەندامانی پێشەنگی کۆمەڵگەکەمان. پرۆگرامەکانمان جەخت دەکەنە سەر بیرکردنەوەی ڕەخنەگرانە و هاووڵاتیبوونی باش و ڕاستگۆیی کەسیی. فێرخوازان فێردەکرێن بە تیم کار بکەن بۆ چارەسەرکردنی کێشەکان. گفتوگۆ لەگەڵ یەکتر بکەن و لە یەکتری فێر ببن. هەروەها دەستەی وانەبێژانی نایابمان هەیە کە تەکنیکی فێرکردن و شێوازی خوێندنی مۆدێرن بەکاردەهێنن بۆ ئەوەی سەرجەم فێرخوازان متمانەیان بەخۆیان بێت و لە داهاتوودا سەرکەوتووبن.

وەک ئەندامانی بەشەکە، هەوڵ دەدەین دەرچووەکانمان بتوانن ئەم ناوچەیە بکەنە پێشەنگی جیهانی بازرگانی. ئێمە فێرخوازانمان ئامادە دەکەین بۆ سەرکەوتن لە کۆمپانیاکانی کەرتی تایبەت لەڕێگەی پەرەپێدانی بیرکردنەوەی ڕەخنەگرانە و ستراتیجی کارکردن، شیکردنەوە، و توانای چارەسەرکردنی کێشەکان بە شێوازی هاوچەرخ. دووبارە، بەخێر بێن بۆ بەشی کارگێڕی کار! لەگەڵ ئێمە گەشتی خوێندنەکەت دەستپێبکە!
 

پرۆگرامی کۆلێژی دەرمانسازی پابەندە بە داهێنان و خوێندنی ئاستبەرز. پرۆگرامەکە تەکنیکی نوێ لە بواری دەرمانسازی لەخۆ دەگرێت، لەوانە کەرەستەی فێرکردنی پێشکەوتوو، ستراتیجی فێربوونی تەواوکاری، زیرەکی دەستکرد، بایۆتەکنەلۆژیای دەرمانسازی، و جینۆمیکس. فێرخوازان لە وەرزی یەکەمەوە سەرقاڵی بواری دەرمانسازی دەبن و چێژ وەردەگرن لە وۆرکشۆپ و گفتوگۆ و چارەسەرکردنی کێشەکان و ڕاهێنان لەسەر ئامێرەکانی دەرمانسازی. 
ئامانجی ئێمە ئەوەیە دەرچووانمان لێهاتوو، داهێنەر، بیرمەند، و تێکۆشەر بن. پرۆگرامی دەرمانسازی زانکۆی ئەمریکی لە عێراق، سلێمانی زانیاری و متمانەی پێویست بۆ فێرخوازان دابین دەکات بۆ ئەوەی ببنە پێشەنگ لە بواری دەرمانسازی بۆ کۆمەڵگەکەیان.

ئێمە بە شانازییەوە بەخێرهاتنتان دەکەین بۆ کۆلێژی پزیشکیی ددان لە زانکۆی ئەمریکی لە عێراق، سلێمانی. ئامانجی سەرەکیمان پێشکەشکردنی خوێندنێکی ئاستبەرزە لەسەر ستانداردە جیهانیەکان بۆ ئامادەکردنی دەرچووانی شارەزا لە بواری پزیشکیی ددان تا توانای خزمەتکردنی تەواوی کۆمەڵگەکەیان هەبێت بە باشترین کوالیتی سەردەمیانە. دەستەی وانەبێژانمان لە شارەزایانی ناوخۆیی و نێودەوڵەتی پێکهاتوون کە بڕوانامەکانیان بەدەستهێناوە لە باشترین زانکۆکان لە ئەمریکا و بەریتانیا و دەوروبەر. 

ئامانجی ئێمە دابینکردنی ڕاهێنانی پراکتیکی و کلینیکییە بۆ ئامادەکردنی پزیشکیی ددانی کارامە بۆ داهاتوو، ئەمەش لەڕێگەی تاقیگەکان و کلینیکەکانمان کە ئامێری پێشکەوتووی تێدایە و فێرخوازان لەلایەن سەرپەرشتیارانی زۆر بە ئەزموونەوە ڕێنمایی دەکرێن. لە ئێستادا بڕوانامەی بەکالۆریۆس لە نەشتەرگەری ددان پێشکەش دەکەین کە ماوەی 10 وەرزی خوێندن دەخایەنێت و بابەتە سەرەکییەکان و پرۆگرامە سەرەکییەکانی زانکۆی ئەمریکی لە عێراق، سلێمانی لەخۆ دەگرێت. پرۆگرامی خوێندنمان لەلایەن شارەزایانی بەتوانا لە بوارەکەدا داڕێژراوە بۆ گەیشتن بە بەرزترین ستانداردەکانی پەروەردەی ددان. 

هەروەها شایەنی باسە کە ئێمە پابەندین بە بەرزکردنەوەی ئاستی خوێندن لە کۆلێژ و کۆمەڵگەکەمان. سەرەڕای ئەوەش، ئێمە کۆلێژەکەمان کراوەیە بەڕووی هەموو فێرخوازێکدا لە سەرانسەری جیهانەوە. بەشداربە لەم گەشتە نایابە ئەکادیمیە لەگەڵمان.