بەخێر بێن بۆ بەشی بیرکاری و زانستە سروشتییەکان لە زانکۆی ئەمریکی لە عێراق، سلێمانی. بەشەکەمان ڕۆڵێکی گرنگ دەگێڕێت لە داڕشتنی گەشتی ئەکادیمی هەموو فێرخوازان، بێ گوێدانە ئەو بوارەی هەڵیبژاردووە. ئێمە شانازی دەکەین بە پێشکەشکردنی کۆمەڵێک کۆرسی زانستی و بیرکاری کە تەواوکەرن بۆ پەرەپێدانی شارەزایی و زانیاری بنچینەیی لە هەموو بوارەکاندا.

ئامانجی کۆرسەکانمان زۆر زیاترە لە گەیاندنی زانیاری تیۆری، ئامانجی ئێمە پەرەپێدانی بیرکردنەوەی رەخنەگرانە و تێگەیشتنێکی قووڵە بۆ چەمکە زانستی و بیرکارییەکان و بەهێزکردنی توانای فێرخوازان بۆ شیکردنەوە و لێکدانەوەی داتاکان. ئەم کارامەییانە پێویستن لە جیهانی گەشەسەندووی ئەمڕۆدا بۆ چارەسەرکردنی کێشە و بیرکردنەوەی شیکاری و سەرکەوتن لە هەر بوارێکدا.

شایەنی باسە بەشەکەمان خوێندنی لاوەکی بیرکاری پێشکەش دەکات وەک (Minor) بۆ زیاتر بەهێزکردنی توانای دامەزراندنی دەرچوونمان. ئەم پرۆگرامە لاوەکیە فێرخوازان بە بنەمایەکی تیۆری پتەو و بیری شیکاری ئامادە دەکات کە تەواوکەری خوێندنە سەرەکییەکانیانە. خوێندنی ئەم بەشە لاوەکیە بەتایبەت بۆ ئەو کەسانە گونجاوە کە دەیانەوێت دەستکەن بە خوێندنی باڵا لە دەرەوەی وڵات.

سەرەڕای ئەوەش، ناوەندی بیرکاری و زانستیمان هەیە کە بناغەیەکی باشە بۆ فێرخوازانی زۆربەی بەشەکان. لێرەدا، مامۆستای تایبەت ڕێنمایی ئەو فێرخوازانە دەکەن کە پێویستیان بە یارمەتی زیاترە. ئەگەر فێرخوازان پێویستیان بە ڕوونکردنەوە بێت لەسەر چەمکە قورسەکان دەتوانن سەردانی ناوەندەکە بکەن.

کۆرسەکانی پرۆگرامەکەمان پەرەدەدات بە توانا و کارامەیی ئەو فێرخوازانەی ئارەزووی خوێندنی هەریەک لەم بەشانە دەکەن: دەرمانسازی، ئەندازیاری، کارگێڕی کار، زانستە کۆمەڵایەتیەکان، یان زانستە مرۆڤایەتیەکان. ئامانجمان ئەوەیە دەرچووان بە کارامەیی و شارەزایی پراکتیکی ئامادە بکەین کە پێویستیانە بۆ گەشەسەندن، هەم لە پیشەکەیان و هەم وەک بیرمەندێکی هۆشیار و ڕەخنەگرانە لە ژیانی ڕۆژانەیاندا.

لە بەشی بیرکاری و زانستە سروشتییەکان، ئێمە پابەندین بە پەرەپێدانی ژینگەیەکی چالاک و داهێنەرانە. بەردەوام هەوڵ دەدەین ئەزموونێکی ئەکادیمی دەوڵەمەند دابین بکەین کە فێرخوازان ئامادە بکات بۆ ئاستەنگ و دەرفەتەکانی داهاتوو.

سوپاس بۆ بایەخدانتان بە بەشەکەمان. ئێمە پشتیوانتانین لە گەشتی ئەکادیمی و پیشەییتان.