کۆمەڵەی فێرخوازان | The American University of Iraq Sulaimani

کۆمەڵەی فێرخوازان

 

فێرخوازانی زانکۆی ئەمریکی لەعێراق ، سلێمانی   ساڵانە لەڕێی دەنگدانەوە ئەندامانی کۆمەڵەکەیان هەڵدەبژێرن.

فێرخوازانی زانکۆی ئەمریکی لەعێراق ، سلێمانی    لەڕێی هەڵبژاردنێکی پاک و بێگەردەوە کە مانگی تشرینی دوەمی ٢٠١٣ بەرێوەچو ، بۆ یەکەمجار پەیڕەوی ناوخۆی کۆمەڵەکەی خۆیانیان خستە دەنگدانەوە . ئەم هەڵبژاردنە ، دوەمجار لەمانگی تشرینی دوەمی ٢٠١٤ دا بەڕێوەچو ، بڕیارە سێیەمجار لەمانگی تشرینی دوەمی ئەمساڵدا بەڕێوە ببرێت . 

کۆمەڵەی فێرخوازان کە بەفەرمی بە (ئەنجومەنی راوێژکاریی فێرخوازان) ناسراوە ، راسپاردەو پێشنیار دەخاتە بەردەمی ئیدارەی زانکۆ ، ئیدارەی زانکۆش مافی ئەوەی هەیە بڕیاری کۆتاییان لەبارەوە بدات و یەکلاییان بکاتەوە . 

لەپەیڕەوی ناوخۆی کۆمەڵەکەدا هاتوە : کۆمەڵەی فێرخوازان لەئەنجومەنێکی پیران و ئەنجومەنێکی جێبەجێکار پێکدێت ، ئەنجومەنە جێبەجێکارەکەش لەسەرۆکێک و جێگرێکی سەرۆک و سکرتێرێک پێکدێت . هەر بەشێکی ئەکادیمی پتر لە ٢٥ فێرخوازی گرتبێتەخۆ ، دوو ئەندام "سیناتۆر"ی لەناو ئەنجومەنی پیرانی کۆمەڵەکەدا دەبێت کە دەسەڵاتی بەرزکردنەوەی پێشنیارو مافی دەنگدانایان هەیە . سەرۆکی کۆمەڵەکە راستەوخۆ لەلایەن کۆی کۆمەڵە فێرخوازیەکەوە دیاری دەکرێت ، بەڵام جێگری سەرۆک و سکرتێر لەلایەن ئەنجومەنی پیرانی کۆمەڵەکەوە دیاری دەکرێن. ئەندامانی ئەنجومەنی پیران "سیناتۆرەکان"ی کۆمەڵەکە پێویستە گوێ بۆ کۆی بۆچون و پێشنیاری فێرخوازان رادێرن نەک تەنها بۆ ئەو بۆچونانەیان کە پەیوەستن بەکاروباری ئیدارییەوە.

لەدیباچەی پەیڕەوی ناوخۆی کۆمەڵەی فێرخوازانی زانکۆی ئەمریکی لەعێراق ، سلێمانی دا هاتوە :

"ئێمە فێرخوازانی زانکۆی ئەمریکی لەعێراق ، سلێمانی بەپێی ئەم پەیڕەوە ناوخۆییە ئەم کۆمەڵەیەمان دامەزراندوە کە لەژێر دەسەڵاتی زانکۆی ئەمریکی لەعێراق ، سلێمانیدایە ، لەپێناوی نوێنەرایەتیکردنی توێژی فێرخوازان و پاراستنی بەرژەوەندیەکانیان و خۆشگوزەرانییاندا ، بۆ ئەوەی ئەم کۆمەڵەیە ببێتە ئامرازێک بۆ دەستەبەرکردنی چارەنوسی فێرخوازان." 

"کۆمەڵەکە هیچ جۆرە جیاکاری و هەڵاواردنێک دەرهەق بەفێرخوازان ئەنجام نادات ، لەسەر هیچ بنەمایەک :  ئیتنیک ، رەگەز ، ئایین ، مەزهەب ، نەتەوە ، پێکهاتەی لەشولار ، تەمەن ، باری ئابوری و کۆمەڵایەتی ، یان بیروڕای سیاسی و لایەنداری."


کۆمەڵەی فێرخوازانی زانکۆی ئەمریکی لەعێراق ،  سلێمانی ٢٠١٨ – ٢٠١٩

بەمەبەستی نوێنەرایەتیکردنی فێرخوازان لەساڵی خوێندنی ٢٠١٨ – ٢٠١٩ دا ، ئەم کەسانەی خوارەوە بەئەندام "سیناتۆر" هەڵبژێردران لەکۆمەڵەکەدا: 

 دەستەی جێبەجێکار بەش
شێرزاد رەحیم شەریف  سەرۆکی کۆمەڵە
ده‌ڤه‌ر محەممەد عەبدوڵڵا نوێنەری بەشی دیراساتی نێودەوڵەتی - جێگری سه‌رۆك
عەلی سەرباز

نوێنەری بەشی زمانی ئینگلیزی - سکرتێری کۆمەڵە

ئەلحەسەن ئەحمەد ئەلناسری

نوێنەری بەشی تەکنەلۆجیای زانیاری

حسەین ئاری سامی  نوێنەری بەشی تەکنەلۆجیای زانیاری
ساوه‌ سیامەند حەمەساڵح  نوێنەری بەشی زانستە کۆمەڵایەتیەکان
دیوان بەکر مستەفا

نوێنەری بەشی ئەندازیاری

گەرمیان عوسمان

نوێنەری بەشی كارگێڕیی كار

عەبدولڕەحمان محەممەد جەمیل

نوێنەری بەشی ئەندازیاری

بەهەشتی عەلی رەئوف  نوێنەری بەشی بیرکاری و زانستە سروشتیەکان 
ئەحمەد سائیب محەممەد

نوێنەری فێرخوازانی پرۆگرامی ئامادەسازیی ئەکادیمی

ئەحمەد سەعید ئەحمەد

نوێنەری فێرخوازانی پرۆگرامی ئامادەسازیی ئەکادیمی


شێرزاد رەحیم شەریف  
سەرۆکی کۆمەڵە

شیروان رەحیم شەریف (شێرزاد) لەشاری ورمێی ئێران لەدایک بوە. لەبنەڕەتدا خەڵکی هەولێرە بەڵام بەهۆی رەوشی وڵاتەوە خێزانەکەی لەئێران گیرساوەتەوە. ساڵی ٢٠٠٦ خوێندنی ئامادەیی تەواو کردوە. شارەزایی هەیە  دەربارەی ژیان لەوڵاتانی جۆراوجۆردا کە وایلێکردوە بتوانێت بەباشی بەشەش زمانی جۆراوجۆر بدوێت. ساڵی ٢٠٠٧ دەستی کردوە بەخوێندنی زانستی سیاسی لەزانکۆی سەڵاحەدین لەهەولێر. ساڵی ٢٠٠٩ – ٢٠١٢ لەڕێی هەڵبژاردنەوە کرا بەسەرۆکی کۆمەڵەی فێرخوازانی رۆژهەڵات. ساڵی ٢٠١٤ پەیوەست بوە بەزانکۆی ئەمریکی لەعێراق، سلێمانی. دەبێتە پسپۆڕ لەدیراساتی نێودەوڵەتی، لەپاڵ ئابوری و کارگێڕیی کار وەک دوو پسپۆڕیی لاوەکی. دامەزرێنەری رێکخراوی گەشەپێدانی مەعریفەیە کە ساڵی ٢٠١٧ بەمۆڵەتی حکومەتی هەرێمی کوردستان دامەزراوە. ساڵی ٢٠١٥ بەنوێنەرایەتیی بەشی پرۆگرامی ئامادەسازیی ئەکادیمی، بو بەئەندام "سیناتۆر" لەکۆمەڵەی فێرخوازانی زانکۆی ئەمریکی لەعێراق، سلێمانی. ساڵی ٢٠١٨ بو بەسەرۆکی کۆمەڵەکە.

 


 

ده‌ڤه‌ر محەممەد عەبدوڵڵا
نوێنەری بەشی دیراساتی نێودەوڵەتی 

خەڵکی هەولێرە، پێنج ساڵە لەسلێمانی دەژی، دەبێتە پسپۆڕ لەدیراساتی نێودەوڵەتیدا .

 
 
 
 
 
 
 
 

عەلی سەرباز
 نوێنەری فێرخوازانی نوێ و بەشی زمانی ئینگلیزی و شیكاری نه‌خۆشییه‌كان

لەبنەڕەتدا خەڵکی کەلارە بەڵام لەهەولێر دەژی. فێرخوازی بەشی ئەندازیارییە، ئەندام "سیناتۆر"ی ده‌سته‌ی به‌ڕێوبه‌رانی سەر بەکۆمەڵەی فێرخوازانی زانکۆی ئەمریکی لەعێراق، سلێمانی و سکرتێری دەستەی جێبەجێکاری کۆمەڵەکەیە.

 
 
 
 
 
 
 
 

ئەلحەسەن ئەحمەد ئەلناسری
نوێنەری بەشی تەکنەلۆجیای زانیاری 

لەبنەڕەتدا خەڵکی بەغدایە، بەهۆی کارکردنیەوە لەگەڵ گەورەترین کۆمپانیاکانی ناو وڵات وەک ئەندازیاری پێشکەوتوی سۆفتوێر، شارەزاییەکی زۆری پیشەیی هەیە لەبواری تەکنەلۆجیای زانیاریدا.

ئەلحەسەن، لەڕێی سازدانی جۆرەها چالاکی و وۆرکشۆپەوە، یانەی "تەکنەلۆجیای زانیاری" ی سەر بەزانکۆی نوێ کردەوە.  

 
 
 
 

حسەین ئاری سامی
نوێنەری بەشی تەکنەلۆجیای زانیاری .

لەبنەڕەتدا خەڵکی سلێمانییە، بەڵام ساڵی ١٩٩٧ لەبەغدا لەدایک بوە. ساڵی ٢٠١٦ قۆناغی ئامادەیی تەواو کردوە، پاشان پەیوەست بوە بەزانکۆی ئەمریکی لەعێراق، سلێمانی بەمەبەستی پسپۆڕیوەرگرتن لەتەکنەلۆجیای زانیاری لەپاڵ پسپۆڕییەکی لاوەکی لەکارگێڕیی و یاسادا. شارەزایە لەبواری گرافیکدیزاین و بەبازاڕکردن و  بەباشی بەچوار زمان قسە دەکات. 

 
 
 
 
 
 
 

 

ساوه‌ سیامەند
سیناتۆر ، نوێنەری بەشی زانستە کۆمەڵایەتیەکان .

ساوه‌ دەبێتە پسپۆڕ لەزانستە کۆمەڵایەتیەکان لەپاڵ پسپۆڕییەکی لاوەکی لەیاسادا. ئەو، زانکۆی ئەمریکی لەعێراق ، سلێمانی بەباشترین شوێنی خۆی دەداتە ئەژمار. هەروەها پێی خۆشە بەشێک بێت لەکۆمەڵگەی زانکۆ، چونکە کۆمەڵگەی زانکۆ یارمەتیدەری بوە لەدروستکردنی کەسایەتیی خۆی و دەستەبەرکردنی داهاتویدا، لەپای ئەمەدا بەڕاستی سوپاسگوزارە. ئامانجی ساوه‌ ئەوەیە بەشێک بێت لەکۆمەڵەی فێرخوازان لەپێناوی کۆمەککردن و باشکردنی زانکۆدا بەگشتی نەک تەنها بەشەکەی خۆی.

 

 

 

دیوان بەکر مستەفا
نوێنەری بەشی ئەندازیاری 

خەڵکی سلێمانییەو دەبێتە پسپۆڕ لەئەندازیاریدا.

 

 
 
 
 
 
 
 

گەرمیان عوسمان
نوێنەری بەشی كارگێڕیی كار

گەرمیان لەسلێمانی دەژی، دەبێتە پسپۆڕ لەکارگێڕیی کار لەپاڵ پسپۆڕییەکی لاوەکی لەئابوریدا.

 
 
 
 
 
 

 

 


عەبدولڕەحمان محەممەد جەمیل
نوێنەری بەشی ئەندازیاری 

عەبدولڕەحمان محەممەد جەمیل خەلکی ئەنبارە . دەبێتە پسپۆڕ لەئەندازیاریی وزە لەپاڵ پسپۆڕییەکی لاوەکی لەکارگێڕیی کاردا . ئەندامە لەتیمی Molecular & Simulation لەبەشی Thermodynamic & Energy لەزانکۆی پاده‌ربۆرن . رەزامەندییەکی مەرجداری بەدەست هێناوە بۆ خوێندنی ماجستێر لە ‘Assessment of Solar Distillation Units for Water Desalination’ لەزانکۆی تەکنەلۆجیی بەرلین (BTU). ماوەی سێ ساڵ ئەندازیاریی نەوتی خوێندوە لەزانکۆی تکریت لەبەشی Refinery and Process . لەساڵی ٢٠١٥ ەوە ئەندامە لەتیپی باسکەی سەر بەزانکۆی ئەمریکی لەعێراق ، سلێمانی و سەرپەرشتیاری هۆڵی یارییە وەرزشیەکانە لەزانکۆ .

 

 


 

بەهەشتی عەلی رەئوف
نوێنەری بەشی بیرکاری و زانستە سروشتیەکان 

 

 

 

 

 

ئەحمەد سەعید ئەحمەد
نوێنەری بەشی پرۆگرامی ئامادەسازیی ئەکادیمی 

لەبنەڕەتدا خەڵکی کەلارە، بەڵام لەسلێمانی دەژی. دەبێتە پسپۆڕ لەئەندازیاریی شارستانیدا.

 
 
 
 
 
 
 
 
 

ئەحمەد سائیب محەممەد
نوێنەری بەشی پرۆگرامی ئامادەسازیی ئەکادیمی 

خەڵکی پارێزگای سەڵاحەدینە، دەبێتە پسپۆڕ لەزمانی ئینگلیزیدا.