بەبۆنەی ده‌رچوونی فێرخوازانی بەشداربوی پرۆگرامی Access ەوە زانکۆ ئەهەنگێک بەڕێوەدەبات

Tuesday, November 20, 2018 - 13:30
 

رۆژی پێنجشەممە رێکەوتی ٨ ی تشرینی دوەمی ٢٠١٨، زانکۆی ئەمریکیی عێراق – سلێمانی، بەبۆنەی ده‌رچوونی فێرخوازانی بەشداربوی پرۆگرامی  Access ەوە لەزانکۆ، ئاهەنگێکی بەڕێوەبرد.

شایانی باسە، لەچوارچێوەی پرۆگرامی Access دا، زانکۆی ئەمریکیی سلێمانی، شەراکەتێکی لەگەڵ وەزارەتی دەرەوەی ئەمریکا پێک هێناوە، بۆ کۆمەککردنی ٧٥ فێرخوازی پۆلی دەو یازدەو دوازدە، لەفێرخوازانی سەر بەچینی کەمدەرامەتی خەڵکی سلێمانی، بەمەبەستی دەستەبەرکردنی داهاتویەکی باشتر بۆ خۆیان و خانەوادەکانیان، ئەوەبو لەڕێی پرۆگرامی ئاماژەپێدراوەوە هاوکاریی ئەو فێرخوازانەی کرد بۆ باشترکردنی بەهرەمەندیی خۆیان لەزمانی ئینگلیزی و بیرکرنەوەی رەخنەگرانەدا.

پرۆگرامەکە، هاوکاریی فێرخوازانی کرد نەک هەر بۆ فێربونی زمانی ئینگلیزی، بەڵکو بۆ ناسینی کەلتورو دابونەریتی ئەمریکییش، کە ئەمە جێی شانازییە بۆ زانکۆ. زانکۆ وێڕای شانازیکردن بەدەستەبەرکردنی ئەم جۆرە پرۆگرامە گرنگانەوە، هیوادارە دەرچوان لەهەوڵەکانیاندا بۆ دەستەبەرکردنی ئاییندەی خۆیان بەخت یاوەریان بێت.

لەم لینکەی خوارەوەدا، ڤیدیۆیەک دەبینن، بەشی پەیوەندیەکان لەزانکۆ بەرهەمی هێناوە، تایبەتە بەمانگەکانی ئەم دواییانەی پرۆگرامی Access:

https://youtu.be/O4GJTIe2NFQ