زانکۆ هەشتەمین پێشانگەی وەزیفیی ساڵانەی خۆی رێک دەخات

Monday, May 6, 2019 - 08:30
 

لەچوارچێوەی بەردەوامیدان بەو نەریتەی کە ساڵانە لەپێناوی رەخساندنی هەلی بەیەکگەییشتنی کۆمپانیاکان و دەرچوانی نوێی زانکۆکان بەڕێوەی دەبات، زانکۆی ئەمریکیی عێراق – سلێمانی، رۆژی ٢٤ ی نیسانی ٢٠١٩، بەبەشداریی ٣٦ لایەنی کۆمەککارو کارخواز، هەشتەمین پێشانگەی وەزیفیی ساڵانەی خۆیی بەڕێوە برد.

لەژێر دروشمی "کەمەندکێشکردنی باشترینەکان بۆ سلێمانی"، لیژنەی رێکخستنی پێشانگەکە، بانگهێشتنامەی ئاراستەی دەرچوانی بەهرەمەندی زانکۆکانی سەرجەم ناوچەکانی هەرێمی کوردستان و باشوری عێراق کرد، بۆ بەشداریکردن لەم روداوە گرنگە ساڵانەیەدا کە یەک رۆژی خایاند.

وێڕای ئامادەبونی دەرچوانی زانکۆ لەشاری بەغداو بەسرەو سلێمانی و هەولێرو کۆیەوە، فێرخوازانی دواناوەندیی شێرکۆ بێکەسیش لەسلێمانی، لەچوارچێوەی سەردانێکیاندا بۆ زانکۆ، ئامادەی پێشانگەکە بون.

.هەشتا دەر سەدی دەرچوانی زانکۆی ئەمریکیی عێراق – سلێمانی ، حاڵی حازر بەشێوەی فول تایم خەریکی کارن ، یان خەریکی درێژەدانن بەخوێندنی باڵ 

هەروەها ژمارەیەکی زۆر لەکۆمپانیاو دامەزراوەی سەر بەکەرتی تایبەت و کەرتی گشتی، کە نوێنەرایەتیی چەندین سێکتەر دەکەن، لەوانە: نەوت و گاز، دارایی و بانک، پەیوەندیەکان، راگەیاندن و ریکلام، بیزنس، خوێندن و فێرکردن، کۆمەڵگەی مەدەنی، بازرگانیی ئەلیکترۆنی و هیدیکە، بەشداریی پێشانگەکەیان کرد، بەو هۆیەوە نزیکەی ٨٠٠ دەرچو بواریان بۆ رەخسا روبەڕو لەگەڵ نوێنەری کۆمپانیاکان دیدار ساز بکەن و ئاشنا ببن  بەهەلی کارو راهێنان و پەرەسەندنە جۆراوجۆرەکانی بواری پیشەسازی.

شایانی باسە ئەم پێشانگە وەزیفییە وەک روداوێکی گەورەی زانکۆیی لەوەرزی بەهاردا ، رۆڵێکی گرنگ دەگێڕێت لەدەستەبەرکردنی هەلی کارو هەلی تەواوکردنی خوێندنی باڵا بۆ دەرچوان ، لەپاڵ ئەو سیمینارو وۆرکشۆپانەدا کە لەهەفتەکەدا بەڕێوە دەبرێن .

 
 .دەتوانیت وێنەی زۆرتری تایبەت بەم پێشانگەیەمان لەسەر ئەکاونتی فەرمیمان لەپێگەی Flickr پەیدا بکەیت  
 
لیژنەی رێکخستنی پێشانگەکە، سوپاسی تایبەتی کۆمەککارانی زێڕین و پلاتینیی روداوەکە دەکات: