خولێکی دیکەی راهێنان دەربارەی سەرکردایەتیکردن بۆ هەندێک پیشەوەری عێراقی | The American University of Iraq Sulaimani

خولێکی دیکەی راهێنان دەربارەی سەرکردایەتیکردن بۆ هەندێک پیشەوەری عێراقی

Thursday, August 30, 2018 - 19:30

بەبەشداریی ٣١ کەسی عێراقی "لەبەرپرسی گەورەو مامناوەندیی حکومی ، کەسانی ئەکادیمی ، کەسانی پێشەنگ لەبواری بیزنس ، هەروەها لەبواری کارو چالاکیی مەدەنی" زانکۆی ئەمریکیی عێراق – سلێمانی ، رۆژی ٢٦ بۆ ٣٠ ی ئابی ٢٠١٨ ، خولی دوەمی پرۆگرامی (ئەکادیمیای سەرکردایەتیکردن بۆ پەرەپێدان - عێراق / LAD-IQ) ی گرتەخۆ . پرۆگرامەکە کارێکی هاوبەشە لەنێوان  (ئەکادیمیای سەرکردایەتیکردن بۆ پەرەپێدان / LAD) لەزانکۆی ستانفۆردو سەنتەری پڕۆژە نێودەوڵەتییە تایبەتیەکان (CIPE) و سندوقی نیشتیمانی بۆ دیموکراتی (NED) .

راهێنانەکە کە پێنج رۆژی خایاندو لەژێر ناونیشانی "رۆڵی سیاسەتی گشتی لەپەرەپێدانی کەرتی تایبەتدا" بەڕێوەچو ، چەند موحازەرەیەکی دکتۆر فرانسیس فۆکۆیاماو پرۆفیسۆر ئیریک جنسنی گرتەخۆ .

بابەتەکانی راهێنانەکە بریتیبون لەمانەی خوارەوە :

  • سەنتەری حەیدەرئاباد میترۆپۆلیان بۆ دابینکردنی ئاوی خواردنەوە "هیندستان" .
  • لیژنەی بنەبڕکردنی گەندەڵی لەئیندۆنیزیا .
  • ترمیناڵی پاسی یۆگیکاراتا : پشتگیریی کەرتی تایبەت لەژێرخانی وڵات .
  • چاکسازیی یاسایی و دادوەری لەبەنگلادیش .
  • ئیدارەی لامەرکەزی لەپیرۆ .

 بەشداربوانی راهێنانەکە موحازەرەیەکیشیان لەلایەن : زرنگ فاروق مستەفاو بەیاد جەمال عەلی ، کە دەرچوی زانکۆی ئەمریکیی سلێمانین و بیزنسکارن ، پێشکەش کرا . موحازەرەکە دەربارەی ئەزمونی بیزنسکاریی ئەو دوو ناوبراوەبو لەکەرتی تایبەتی عێراقیدا.

شایانی باسە لەکۆتایی راهێنانەکەدا کە کەوتە رۆژی ٣٠ ی ئابی ٢٠١٨، بڕوانامەی تایبەت  بەخشرایە بەشداربوان لەپای بەشداریکردنیان لەپرۆگرامەکەدا .