بانگهێشتنامەیەک بۆ ئەکادیمیان و راهێنەرانی عێراقی بۆ بەشداریکردن لەخولێکی راهێنان لەعەممان – ئەردەن

Tuesday, February 13, 2018 - 10:15

ئەکادیمیای سەرکردایەتیکردن بۆ پەرەپێدان – عێراق (LAD-IQ)، بانگهێشتی ئەکادیمیان و راهێنەرانی عێراقی دەکات بۆ بەشداریکردن لەڕاهێنانێکی یەک هەفتەیی کە لەعەممانی پاییتەختی ئەردەن، لە ١١ بۆ ١٧ ی مانگی مارسی ساڵی ٢٠١٨ بەڕێوە دەچێت.

راهێنانەکە لەسەر ئەو رێگایانەی وانەگوتنەوەیە کە پشت دەبەستن بە "لێکۆڵینەوە لەکەیسی کەسی / دراسة الحالة" و نمونە پراکتیکیەکانی لەژینگەی خوێندندا، چەندین بڕگە لەخۆ دەگرێت، لەوانە: تاووتوێکردنی ستراتیژەکانی وانەگوتنەوە، نوسینی کەیس، پێشکەشکردن و هەڵسەنگاندنی لێکۆڵینەوە ئەزمونگەریەکانی کەیسی کەسی، وێڕای خستەڕوی چەندین زانیاریی نوێ دەربارەی چۆنیەتی پێشکەشکردنی خولی راهێنان.

سەرلەبەری تێچوی بەشداریکردن، لەلایەن "سەنتەری پڕۆژە تایبەتییە نێودەوڵەتیەکان - CIPE" و "زانکۆی ئەمریکیی له‌ عێراق - سلێمانی"، بەکۆمەکی سەخاوەتمەندانەی "سندوقی نیشتیمانی بۆ دیموکراتییەت - NED" ، دابین دەکرێت.    

تکایە داوای بەشداریکردن و پرس و راوێژ، رەوانە بکە بۆ ئەم ئیمەیڵە: lad-iq@cipe.org  

ناونیشانی ئەو نامەیەی دەینێریت با ئەم دەستەواژەیە بێت: "راهێنانی راهێنەران – تدريب المدربين".

ئاگاداربە: دوایین کات بۆ وەگرتنی داواکاری ١٨ ی شوباتی ٢٠١٨ یە.

لەماوەی ٤٨ سەعات پاش رەوانەکردنی داواکاریەکەت، نامەیەکی دڵنیاییت پێدەگات کە بەڵگەیە لەسەر گەیشتن و وەرگرتنی داواکاریەکەت، ئەگەر لەو ماوەیەدا نامەی دڵنیاییت پێ نەگەیشت تکایە پەیوەندی بەنوێنەری ئەکادیمیاوە بکە ، لەڕێی ئەم ژمارە تەلەفۆنەوە: +٩٦٤٧٧١٧٧٤٢٧١٨

دەتوانیت فۆرمی پێشکەشکردنی داواکاری لێرەوە داببەزێنیت:

Tags: 

It appears your Web browser is not configured to display PDF files. Download adobe Acrobat or click here to download the PDF file.

Click here to download the PDF file.