زمانی کوردی - زاری سۆرانی : قۆناغی 1
ئامانج لەپێشکەشکردنی ئەم قۆناغەی کۆرسەکە فێرکردنی ئەو کەسانەیە کە سەرەتایانە لەزمانی کوردی (زاری سۆرانی) دا ، بۆ ئەوەیە رایانبهێنێت لەسەر قسەکردن و گفتوگۆکردن بەزمانی کوردی (زاری سۆرانی) ،هەستی متمانەبەخۆبونیان تێدا پتەوتر بکات و وایان لێبکات سەرکەوتوانە بەزمانی کوردی قسەو گفتوگۆ بکەن و تێکەڵاوی کۆمەڵگەی کوردی ببن .
هیچ مەرجێکی تایبەتی دیاری نەکراوە بۆ بەشداریکردن لەم قۆناغەی کۆرسەکەدا چونکە بۆ کەسانی تازەکارو نەشارەزایە .
زمانی کوردی - زاری سۆرانی : قۆناغی 2
ئامانج لەپێشکەشکردنی ئەم قۆناغەی کۆرسەکە بەرزکردنەوەی ئاستی ئەو فێرخوازانەیە کە قۆناغی سەرەتایان بڕیوە لەزمانی کوردی (زاری سۆرانی) دا ، هەروەها ئەو کەسانەی کە کەم تا زۆر توانایەکیان لەقسەکردن بەزمانی کوردی (زاری سۆرانی) دا هەیەو دەیانەوێت ئاستی قسەکردنیان پێشتر بخەن .
لەم قۆناغەدا ، ئەو توانایەی قسەکردن بەزمانی کوردی (زاری سۆرانی) کە لەقۆناغی یەکەمدا بەدەست هاتوە پێشتر دەخرێت ، هەروەها هەوڵدەدرێت توانای خوێندنەوەو نوسین بەزمانی کوردی (زاری سۆرانی) لەلای فێرخواز پەرەی پێبدرێت .
مەرجی بەشداریکردن لەقۆناغی دوەمی کۆرسەکەدا بریتییە لە : خوێندن و بڕینی قۆناغی یەکەمی کۆرسەکە .
زمانی کوردی - زاری سۆرانی : قۆناغی 3
ئامانج لەپێشکەشکردنی ئەم قۆناغەی کۆرسەکە بەرزکردنەوەی ئاستی ئەو فێرخوازانەیە کە قۆناغی یەکەم و دوەمیان بڕیوە لەفێربونی زمانی کوردی (زاری سۆرانی) دا .
لەم قۆناغەدا ، ئەو توانایەی خوێندنەوەو قسەکردن بەزمانی کوردی (زاری سۆرانی) کە لە دو قۆناغەکەی پێشودا بەدەست هێنراوە پەرەی زیاتری پێدەدرێت ، لەبەرئەوەی گرنگیی زیاتر بەخوێندنەوەو نوسین و تێگەشتن دەدرێت.
قۆناغی 3 ، بۆ ئەو ئارەزومەندانەیە کە لێبڕاوانە لەهەوڵی فێربونی زمانی کوردیدان ، لەم قۆناغەدا هەمو پێداویستیەکانی فێربون دەخرێنە بەردەستی فێرخوازان و ئەوپەڕی توانا بەخەرجدەدرێت بۆ فێرکردنیان و راهێنانیان لەسەر بەکارهێنانی زمانی کوردی (زاری سۆرانی) بەشێوەیەکی سەرکەوتو .
مەرجی بەشداریکردن لەقۆناغی سێیەمی کۆرسەکەدا بریتییە لە : خوێندن و بڕینی قۆناغی یەکەم و دوەمی کۆرسەکە .
قۆناغی یەکەم (سەرەتایی) لەمانگی ١ ی ٢٠١٦ دا دەبێت
بەروار : پاشتر رایدەگەیەنین
کاتی وتنەوەی وانەکان : ٥:٣٠ بۆ ٨ ی ئێوارە
ماوەی کۆرسەکە : پێنج هەفتە (دوشەممان و چوارشەممانی هەمو هەفتەیەک)
تێچوی بەشداریکدن لەکۆرسەکەدا : ٢٩٩ $ (بەهەمو پێداویستیەکانی خوێندن) ەوە
بۆ زانیاریی زیاتر یان خۆناونوسکردن ، پەیوەندی بکەن بەم ئیمەیڵەوە : pdi@auis.edu.krd
یان بەم ژمارە تەلەفۆنەوە : ٠٨٨٢-٠١٤-٠٧٧١/ ٢٩٤٥-٥٤٨-٠٧٧٠
