-
سه‌ردانی زانكۆكه‌مان بكه
-
زانیاری لەبارەی خۆتەوە له‌ڕێی ئینتەرنێتەوە رەوانە بكه بۆمان
-
لەڕێی ئەم ئیمه‌یڵه‌وە په‌یوه‌ندیمان پێوه بكه: admissions@auis.edu.krd یاخود به ژماره ٠٧٧٠٤٦١٥٥٥٥ - ٠٧٧٢٧٧٣٧٣٨٨
-
یان په‌یوه‌ندی بكه به "فه‌یسبوكی بەشی وه‌رگرتن" ه‌وه‌و راسته‌وخۆ پرسیارەکانت بخەرە بەردەم "رێنوێنیكاران" لەبەشی وەرگرتن.
سه‌ردانی زانكۆكه‌مان بكه:
زانكۆی ئه‌مه‌ریكی له‌سلێمانی، پێشنیار ده‌كات سه‌ردانی كەمپی زانكۆ بكه‌یت بۆ ئه‌وه‌ی زانیاریی زیاترت دەست بکەوێت دەربارەی زانكۆو وادەکانی خۆناونوسکردن بۆ خوێندن.
سه‌ردانت بۆ زانكۆ، یارمه‌تیت ده‌دات ستافی وه‌رگرتن ببینیت و ئاشنا ببیت بەو هەمو ئاسانكارییه مۆدێرنانەی له‌زانكۆو لەخزمەتی ئێوەدا دەستەبەر کراون.
حاڵی حازر ئۆفیسی وه‌رگرتن هەفتەی چوار رۆژ دانیشتن بەڕێوە ده‌بات (بۆ زانیاریبەخشین بەئێوە)، بەزمانی كوردی و عه‌ره‌بی قسە دەکرێت، (رۆژانی یه‌كشه‌ممه تا چوار شه‌ممه، كاتژمێر ٠٣:٠٠ پاش نیوه‌رۆ).
بۆ ئه‌و فێرخوازانه‌ی كه ته‌نها دەتوانن به‌زمانی ئینگلیزی بدوێن، زانكۆ پێشنیاز ده‌كات: سه‌ره‌تا له‌ڕێی ئەم ئیمه‌یلەوە پەیوەندی بکەن و مەوعید وەربگرن: admissions@auis.edu.krd
له‌یه‌كه‌م سه‌ردانتدا رەنگە یەکێک لەم کارانەت بێتەڕێ:
- به‌شداریکردن له‌دانیشتنێكی نیو سەعاتیی زانیاریبەخشیندا دەربارەی: زانكۆ، به‌رنامه ئه‌كادیمییه‌كانی، مه‌رجه‌كانی خۆناونوسکردن بۆ خوێندن، چۆنیەتیی خۆناونوسکردن و پێشکەشکردنی داوای خوێندن، تاقیكردنه‌وه بۆ دیاریکردنی توانا لەزمانی ئینگلیزیدا.
- پڕكردنه‌وه‌ی فۆرمێكی زانیاریی یه‌ك لاپه‌ڕه‌یی. له‌و فۆرمه‌دا هەندێک زانیاریت لێ داوا کراوە ده‌رباره‌ی: گەڕەکتان و هەندێک شتی تری سادە کە یارمەتیدەرن بۆ دروستبونی پەیوەندی لەنێوان ئێوەو زانکۆدا.
- وەرگرتنی (ژمارە قبوڵ / Admission number) ی تایبەتی بەخۆت ، لەگەڵ زانیاریی پێویست دەربارەی (online application) ەکەمان .
- بینینی کەسێکی رێنوێن کە رێنوێنیت دەکات بۆ راییکردنی کاروباری وه‌رگرتن.
کەسی رێنوێن، کەسێکە لەزانکۆی ئەمریکی لەسلێمانی، یارمه‌تیدەرت دەبێت لەڕاییکردنی کاروباری وەرگرتندا (هه‌ر له‌یه‌كه‌م سه‌ردانته‌وه تا ئه‌و كاته‌ی قبوڵ ده‌كرێیت).
بۆ زانیاریی زیاتر، سه‌یری هه‌نگاوی دوه‌م بكه.
زمان |
رۆژه‌كانی هه‌فته |
كات |
|
كوردی، عه‌ره‌بی |
یه‌كشەممه دوو شه‌ممه سێشه‌ممه چوار شه‌ممه پێنج شه‌ممه |
٠٣:٠٠ ی پاشنیوه‌ڕۆ |
|
|
|
|
|
|
|
تكایه ئاگاداربن:
سەردانەکەتان بۆ كامپی زانكۆ ، دو سەعاتێک دەخایەنێت، له‌به‌رئه‌وه ئاگاداربن: کاتەکەتان وەها رێکبخەن كه بتوانن ئاماده‌ی ته‌واوی دانیشتنەکانبن.
دوای کۆتاییهاتنی دانیشتنی زانیاری، دەتوانیت یەکسەر لەڕێی ئینتەرنێتەوە ده‌ست بكه‌یت به‌پڕکردنەوەی فۆرمی (داوای خوێندن) و رەوانەی بکەیت بۆ بەشی وەرگرتن لەزانکۆ.
له‌گەڵمانبن لەڕێی ئینتەرنێتەوە:
وێبسایتی زانكۆی ئه‌مه‌ریكی له‌سلێمانی:
ئه‌گه‌ر ناتوانی سه‌ردانی كامپی زانكۆ بكه‌یت، دەتوانیت له‌ڕێی وێبسایتی زانكۆوه، بەشێوەی ئۆنلاین، فۆرمی (داوای خوێندن) پڕبكه‌یتەوه، بەپێی ئەم رێنماییانەی خواره‌وه:
- بڕۆ بۆ سەر فۆرمی ئۆنلاین ، سەرجەم زانیارییە داواکراوەکانی تێدا بەیان بکە. شێوازی تۆ لەپڕكردنه‌وه‌ی ئه‌م فۆرمه‌دا دریدەخات كه: تا چ رادەیەک سوریت لەسەر داواکەت.
- پاش پڕكردنه‌وه‌ی فۆرمی ئۆنلاین ، ئاگادارینامەیەکت لەڕێی ئیمەیلی تایبەتیی خۆتەوە بەدەست ده‌گات، تیایدا هاتوە كه: بەشی وه‌رگرتن لەزانكۆی ئه‌مه‌ریكی له‌سلێمانی، فۆرمە پڕکراوەکەتی به‌ده‌ست گه‌یشتوه. پاش ئەوە، له‌ماوه‌ی ١ بۆ ٣ ڕۆژدا، زانكۆی ئه‌مه‌ریكی لەسلێمانی، ئیمه‌یڵێكی پڕ له‌ورده‌كاریت بۆ رەوانە دەکات كه ئه‌م زانیاریانەی تێدایە:
- (ژمارە قبوڵ / Admissions Number) ی تایبەت بەخۆت ، لەگەڵ لینکی تایبەت بەفۆرمی (online application) ەکەمان .
- ناوی کەسی رێنوێن (ئەو کەسەی کە لەڕایکردنی کاروباری وەرگرتنتدا رێنوێنیت دەکات) له‌سه‌ره‌تای هەنگاونانتەوە بەرەو زانکۆی ئەمریکی لەسلێمانی تا کۆتایی کاروبارەکانت.
تێبینی:
ئه‌و ئیمه‌یڵه‌ی بۆ ئەم مەبەستە بەکاری دەهێنیت، ئامرازی پەیوەندیی نێوان تۆو زانکۆ دەبێت و پشتی پێدەبەسترێت، جا تكایه ئیمه‌یڵی تایبەتیی خۆت به‌كاربهێنه، ئه‌گه‌ر ئیمه‌یڵی تایبەتیت نییه، تكایه ئێمه‌یڵێکی تایبەتی بۆ خۆت دابنێ و یوزەرنەیم و پاسۆردەکەی بپارێزە.
تێبینی: فۆرمی ئۆنلاین، فۆرمی (خۆناونوسکردن بۆ خوێندن) نییه، به‌ڵكو فۆرمێکە بۆ پەیوەندیسازدان له‌نێوان تۆو تیمی وه‌رگرتنداو هیچیتر.