پیرۆزباییەک لەبەڕێز سەرۆکی زانکۆوە

لەماوەی ئەم ١٠ ساڵەی رابردودا کە بەسەر دامەزراندنیدا تێپەڕیوە "زانکۆی ئەمریکیی عێراق – سلێمانی" پێشکەوتنێکی زۆری بەخۆیەوە بینیوە، بەجۆرێک کە بوە بەیەکێک لەبەرزترین زانکۆکانی وڵاتەکە.

"زانکۆی ئەمریکیی عێراق – سلێمانی" فێرخوازە هەڵکەوتوەکانی خۆی بەباشترین شێوە پەروەردەو بەهرەمەند دەکات، دەیانخاتە بەر خوێندنێکی لیبراڵیی چڕوپڕو دەیانکات بەخاوەنی بەهرەمەندییەکی تەواو کە بەکەڵک بێت بۆ سەرکردایەتیکردن و سەرکەوتن لەم ناوچە بەردەوام روو لەئاڵوگۆڕو هەڵکشان و داکشانەدا.
لەخۆبردویی و هەوڵی بەردەوامی زانکۆ بۆ خۆپێشخستن لەبواری خوێندن و فێرکردن و توێژینەوەدا، یارمەتیدەر دەبێت بۆ پێشخستنی ئەو گەنجە بەرپرس و رۆشنگەرو بەهرەمەندانەی خاوەنی بیرکردنەوەی رەخنەگرانەو هەستی بەرزی هاووڵاتێتی و رەوشتی بەرزی کارکردنن کە ناوەندە بەرزەکانی خوێندن و خاوەنکاران بەدوایەوەن. 

بێگومان زانکۆ لەماوەی گەشتە سەرکەوتوەکەیدا روبەڕوی چەندین ئاستەنگ بوەتەوە. لەپاڵ ئەوەدا ململانێ هەرێمایەتیەکان و گرفتە ئابوریەکان، فێرخوازان و خانەوادەکانیان و کۆمەککارانمانیان خستە ژێر تاقیکردنەوەیەکی قورسەوە.
من شانازی بەو پابەندێتی و لێوەشاوەییەتییەوە دەکەم کە فێرخوازە چالاکەکانمان و فەرمانبەرە هەڵکەوتوەکانمان و ئەندامانی دەستەی وانەبێژی و ئەندامانی ئەنجومەنی بەڕێوەبردن، لەڕوبەڕوبونەوەی ئاستەنگیەکاندا نواندیان.
خوازیاری بەسەربردنی ساڵیادێکی گەرم و گوڕو پڕچێژم بۆ هەموتان لەمساڵدا "دەیەمین ساڵیاد" و پیرۆزبایی لەهەمو ئەو کەسانە دەکەم کە بەشداربون لەدەستەبەرکردنی دەستکەوت و سەرکەوتنەکانی زانکۆدا.

مایەی شانازیمە کارتان لەگەڵدا دەکەم.