مینحەی لێوەشاوەیی ئەکادیمی | The American University of Iraq Sulaimani

مینحەی لێوەشاوەیی ئەکادیمی

زانکۆی ئەمریکی لەعێراق – سلێمانی ، مینحەی (لێوەشاوەیی ئەکادیمی) دەبەخشێتە ئەو فێرخوازانەی کە خاوەنی (بەرزترینی نمرە بەرزەکان) ن لەتاقیکردنەوەی بەکالۆریداو لەیەکێک لەخولەکانی وەرگرتندا (خولی پێشوەختەی وەرگرتن و خولی ئاسایی وەرگرتن) داوای خوێندنیان پێشکەشی زانکۆکە کردوە بۆ پەیوەستبون بەوەرزی پاییزەی خوێندنەوە لەساڵی 2018 – 2019 دا .

دەربارەی مینحەکە :

ئەم مینحەیە مینحەیەکی فولە ، سەرلەبەری خەرجیی خوێندن ، بۆ هەر هەمو ساڵەکانی خوێندنی زانکۆیی (قۆناغی بەکالۆریۆس) دەستەبەر دەکات .

سەرنجێک :

ئەو فێرخوازانەی کە مینحەکە بەدەست دەهێنن ، دەبێت بەخۆیان تێچوی پێداویستییە تایبەتیەکانیان بگرنە ئەستۆ (وەک : پارەی کتێب و کرێی نیشتەجێبون).

کلیکی ئێرە بکە بۆ زانیاریی زیاتر.

ئالییەتی بەخشینی مینحەکە :

مینحەکە خۆبەخۆ دەدرێتە دو دەرسەد (٪٢) ی ئەو فێرخوازانەی کە خاوەنی بەرزترین نمرەی بەرزن لەتاقیکردنەوەی بەکالۆریداو لەیەکێک لەخولەکانی وەرگرتندا (خولی پێشوەختەی وەرگرتن و خولی ئاسایی وەرگرتن) داوای خوێندنیان پێشکەشی زانکۆکە کردوە بۆ پەیوەستبون بەوەرزی پاییزەی خوێندنەوە لەساڵی 2018 – 2019 دا .

  • ناوی ئەو فێرخوازانەی مینحەکە بەدەست دەهێنن ، رۆژی راگەیاندنی ئەنجامی ئەو داواکاریانەی کە بۆ بەدەستهێنانی کورسیی خوێندن پێشکەشی زانکۆکە کراون ، رادەگەیەنرێن (30ی ئابی 2018 بۆ ئەو داواکاریانەی لەخولی پێشوەختەی وەرگرتندا پێشکەش کراون ) و (6ی كانونی یه‌كه‌می 2018 بۆ ئەو داواکاریانەی لەخولی ئاسایی وەرگرتندا پێشکەش کراون) .  

مەرجەکان:

ئەمانەی خوارەوەن :

  • فێرخواز دەبێت دەرچوی دواناوەندی بێت لەساڵی خوێندنی 2018 دا .
  • فێرخواز دەبێت یەکێک بێت لەو کەسانەی کە لەیەکێک لەخولەکانی وەرگرتندا (خولی پێشوەختەو خولی ئاسایی بۆ ساڵی خوێندنی 2018 - 2019) داوای خوێندنیان پێشکەشی زانکۆکە کردوە .
  • فێرخواز دەبێت یەکێک بێت لەخاوەنی بەرزترینی نمرە بەرزەکان ، بەجۆرێک کە رێژە دیاریکراوەکە (٪٢) بیگرێتەوە .
  • فێرخواز دەبێت خاوەنی رەگەزنامەی عێراقی بێت .
  • ئەو فێرخوازەی مینحەکە بەدەست دەهێنێت ، دەبێت بەدرێژایی قۆناغی خوێندنی زانکۆیی دەست بەئاستی زانستیی خۆیەوە بگرێت و تێکڕای نمرەکەی (٣.٠ و بەرەوسەر) بێت .