ماجستێر لەکارگێڕیی کار | The American University of Iraq Sulaimani

Warning message

Mean Menu style requires jQuery library version 1.7 or higher, but you have opted to provide your own library. Please ensure you have the proper version of jQuery included. (note: this is not an error)

ماجستێر لەکارگێڕیی کار

پرۆگرامی ماجستێری جێبەجێکاری لەکارگێڕیی کار (MBA)، بۆ ئەو پیشەوەرو دەرچوە نوێیانە دیزاین کراوە کە بەتەمای پەرەپێدانی بەهرە بازرگانیەکانی خۆیانن، هەروەها بەتەمای باشکردنی ژیانی پیشەیی خۆیانن.

زانکۆی ئەمریکی لەسلێمانی، بەشیوەیەکی نەرم و گونجاو، کۆرسی ئێواران دەستەبەر دەکات، کە ئەمە هەلێکی زۆر باشە بۆ ئەو فێرخوازانەی فەرمانبەرن و خوازیاری فێربونی بەهرەی کارگێڕی و سەرکردایەتیکردن و بەدەستهێنانی بڕوانامەی ماجستێری جێبەجێکارین لەکارگێڕیی کاردا.

لەپاڵ پرۆگرامە گشتیەکەی ماجستێری کارگێڕیی کار، حاڵی حازر فێرخوازان دەتوانن ماجستێری کارگێڕیی کار لەگەڵ پسپۆڕیگەلی لیدەرشیپ، به‌ڕێوه‌بردنی پرۆژه‌، پارەدارکردن، سەرچاوە مرۆییەکان، هەروەها مارکێتینگ، بخوێنن.

پرۆگرامی ماجستێری کارگێڕیی کار لەزانکۆکەمان، ئاڵوگۆڕو دەستکاریی نوێی تێدا ئەنجام دراوە بەمەبەستی دەستەبەرکردنی خواست و پێداویستیی ئەو پیشەوەرانەی کە لەهەوڵی فراوانکردنی زانیاریی خۆیاندان لەبواری کارو پێشەکانیاندا. زانیاریی زیاتر بخوێنەرەوە دەربارەی ئەنجامدانی ئاڵوگۆڕو دەستکاریی نوێ  لەپرۆگرامەکەدا.

 

مەرج و پێداویستیەکان:

مەرج و پێداویستیەکانی زمانی ئینگلیزی و تاقیکردنەوەی توانست لەزمانی ئینگلیزیدا:

 

  • ٨٠٪ و بەرەوسەر لەو تاقیکردنەوەیەدا کە لەلایەن زانکۆمانەوە دیزاین کراوە  (تاقیکردنەوەی توانست لەزمانی ئینگلیزیدا). ئەم تاقیکردنەوەیە لەکاتێکدا قەبوڵ دەکرێت کە داوکار لەبەر هۆکارێکی راستەقینە نەتوانێت لەتاقیکردنەوەکانی IBT TOEFL  یان IELTS دا خۆی ناونوس بکات. 

تێچوی خوێندن:

ماجستێر لەکارگێڕیی کار
تێچوی هەر کۆرسێک
١٣٧٥ دۆلار
تێکڕا
(١٧ کۆرس و کتێبی خوێندن)
٢٣٣٧٥ دۆلار

پرۆسەی وەرگرتن:

  • لەڕێی وێبسایتی زانکۆمانەوە داواکاری پێشکەش بکە.
  • یاداشتێک دەربارەی خولیای خۆت پێشکەش بکە (لە ٧٠٠ وشە زیاتر نەبێت).
  • سیڤیی خۆت بەتەواوەتی و شوناسنامەی کەسیت لەڕێی ئیمەیڵەوە بنێرە.
  • وادەیەک دیاری بکە بۆ ئەنجامدانی چاوپێکەوتنی روبەڕو لەزانکۆ (١٠٠ دۆلار تێچویەتی).
  • بەڵگەنامە داواکراوەکان پێشکەش بکەو گرێبەستەکە ئیمزا بکە.

 

بۆ پرس و راوێژ دەربارەی پرۆگرامی ماجستێر لەکارگێڕیی کار، نامەمان بۆ بنوسە لەڕێی [email protected] یان پەیوەندیمان پێوە بکە لەڕێی ٠٧٧٠٤٦١٧٥٥٥.