پێنجەمین دیداری سلێمانی "کۆتاییهێنان بەگێژاوی توندوتیژیەکان ، بەرەو چارەسەری بەردەوام"

Monday, March 6, 2017 - 11:00

دیداری ئەمساڵ، چەندین پانێل دەگرێتەخۆ کە تیایاندا کۆمەڵێک دۆسییەی جۆراوجۆر تاووتوێ دەکرێن، لەقەیرانی ئێستای عێراق و سوریاو شەڕی داعشەوە بیگرە، بۆ بنەماکانی ئاشتییەکی بەردەوام و ئارامییەکی درێژخایەن.

٦ی مارسی ٢٠١٧ – سلێمانی (هەرێمی کوردستانی عێراق):

پێنجەم دیداری ساڵانەی سلێمانی، رۆژانی ٨ و ٩ ی مارسی ٢٠١٧، لەزانکۆی ئەمریکی لەسلێمانی، لەژێر ناونیشانی (دوای داعش: کۆتاییهێنان بە گێژاوی شەڕ، بەرەو چارەسەری بەردەوام) بەڕێوە دەچێت، زیاد لە ٤٠٠ کەسایەتی لەعێراق، کوردستان، رۆژهەڵاتی ناوەڕاست و باکوری ئەفریقیا، ئەوروپاو ئەمریکاوە، ئامادەی دەبن، هەشت پانێلی لەماوەی دوو رۆژدا تێدا پێشکەش دەکرێت کە ئامانج لێیان بریتییە لەتاووتوێکردنی ئاستەنگییە هەنوکەییەکان و دۆزینەوەی چارەسەری درێژخایەن بۆ ناوچەی رۆژهەڵاتی ناوەڕاست.

لەدیداری ئەمساڵدا، چەندین بەرپرسی حکومی و شارەزای نێودەوڵەتی بانگهێشت دەکرێن، بۆ تاووتوێکردنی کێشەو گرفتە هەنوکەییەکانی عێراق و سوریا، هەروەها تاووتوێکردنی قۆناغی پاش کۆتاییهاتنی ئەو کێشەو گرفتانە، لەپێناوی دۆزینەوەی چارەسەرێک کە رۆڵێکی قوڵ و بنەڕەتیی هەبێت لەچەسپاندنی ئارامی و بوژانەوەی ناوچەکەدا.

پانێلەکان، کۆمەڵێک دۆسییەی جۆراوجۆرو بنەڕەتی تاووتوێ دەکەن کە گرنگیی زۆریان هەیە بو وڵاتانی ناوچەکە، لەوانە: قەیرانی مرۆیی، فەرمانڕەوایی باش، وەبەرهێنان و گەشەسەندن، پەرەپێدانی دامەزراوەیی، پەروەردەو فێرکردن و داهێنان، هەروەها گفتۆگۆی نێوان ئایینەکان.

میوانان و بەشداربوان، خاوەنی پێشەو پێگەی جۆراوجۆرن: وەزیر، بەرپرس، راڤەکار، زانا، سەرکردە، هەروەها رۆژنامەنوس، کە لەڕۆژهەڵاتی ناوەڕاست و باکوری ئەفریقیاو ئەوروپاو ویلایەتە یەکگرتوەکانی ئەمریکاوە ئامادەی دیدارەکە دەبن.

لەنێو بەشداربوندا ژمارەیەک راڤەکارو ئەکادیمیی دیار هەن، لەوانە: فرانسیس فۆکۆیاما (زانکۆی ستانفۆرد)، جۆن ئاڵترمان (سەنتەری لێکۆڵینەوە ستراتیژی و نێودەوڵەتیەکان)، دێڤید میلیباند (دەستەی نێودەوڵەتیی رزگارکردن)، هێنری بارکی (سەنتەری ویڵسۆن)، سێر جۆن جینگەنز (پەیمانگەی پەیوەندییە نێودەوڵەتیەکان و لێکۆڵینەوە ستراتیژیەکان)، تمارا کوفمان ویتس (پەیمانگەی بروکینگز)، کارڵ گیرشمان (وەقفی نیشتیمانی بۆ دیموکراتی)، هەروەها چەند گەورە رۆژنامەنوسێک لەدامودەزگا میدیاییە نێودەوڵەتیەکانەوە، لەوانە: پیتەر بێرگن (سی ئێن ئێن)، لیس دوسیت (بی بی سی)، جین عەڕاف (ئێن پی ئاڕ)، مینا ئەلعوڕەیبی و سوزان گڵاسر (پۆلیتیکۆ)، ... هتد.

لیستی تەواوی ناوی میوانان و پرۆگرامەکانی دیدارەکە کە دوو رۆژ دەخایەنێت، لەسەر پێگە ئەلیکترۆنیەکەمان دانراوە: www.auis.edu.krd/sulaimaniforum

تێبینی بۆ رۆژنامەنوسان:

پێگەکەمان لەسەر ئینتەرنێت: http://auis.edu.krd/sulaimaniforum
پەخشی شەبەکی: http://auis.edu.krd/sulaimaniforum/live-stream
فەیسبوک: thesulaumaniforum | auisofficial | irismideast
تویتەر :  AUIS_NEWS | @IRISMideast #SuliForum@
تەتبیقاتی تایبەت بەدیداری سلێمانی:
ئەرشیفی وێنەکان لەسەر فلیکر:http://bit.ly/2maisbD
بینینی دانیشتنەکانی خولەکانی پێشوی دیداری سلێمانی:http://bit.ly/2n1z2YL

بۆ پرسوڕای میدیایی ، پەیوندی بکەن بە (بژار بۆسکانی – راوێژکاری پەیوەندییە گشتیەکان و بەڕێوەبەری بەشی میدیا لەزانکۆ) :bzhar.ali@auis.edu.krd یان 1893 152 770(964).

بۆ زانیاریی زیاتر دەربارەی دیدارەکەو ناردنی پرسوڕاکانتان: iris@auis.edu.krd