کۆرسە ئامادەکاریەکان بۆ تاقیکردنەوەی ئایڵتس (IELTS) و تۆفڵ (TOEFL iBT)

ده‌رباره‌ی کۆرسه‌کان

تاقیکردنەوەکانی ئایڵتس و تۆفڵ ئای بی تی ، لەلایەن زیاد لە ٩٠٠٠ کۆڵیژو زانکۆو په‌یمانگاوه‌ لە ١٣٠ وڵاتی جیهان ، متمانەیان دراوەتێ . 

ئەم تاقیکردنەوانە زۆر گرنگن بۆ هەر کەسێک کە بەتەمابێت  لەزانکۆ جیهانیەکان  بخوێنێت ، یان بەتەمای وه‌رگرتنی ڤیزاو چونەدەرەوەبێت .

کۆرسە ئاماده‌کارییه‌کانی تۆفڵ / ئایڵتس هه‌مو ئه‌و تواناو زانیاریانه‌ ده‌به‌خشنه‌ فێرخوازان که‌ پێویستن بۆ به‌ده‌ستهێنانی نمره‌ی پێویست و به‌دیهێنانی خه‌ونه‌کان . 

لەم کۆرسانەدا ، بایەخ بەهەمو لایەنەکانی زمانی ئینگلیزی دەدرێت ،  وەک : خوێندنەوە ، نوسین ، قسەکردن و گوێگرتن .

بەشداربوانی ئەم کۆرسانە ، بەچه‌ندین تاقیکردنه‌وه‌دا رەت دەبن ، بەهۆی ئەو تاقیکردنەوانەوە  خاڵی بەهێزو لاوازی خۆیانیان بەتەواوی بۆ دەردەکەوێت .

 کۆرسه‌کان به‌کوالیتییەکی زۆرباش دەگوترێنەوە  ، نوێترین ئامێرەکانی سەردەمیان تێدا بەکاردەهێنرێت .

ئه‌م کۆرسانه ، بەتایبەتی بۆ ئەو فێرخوازانە داڕێژراون کە توانایان لەزمانی ئینگلیزیدا لەئاستێکی بەرز یان مامناوەندیدایەو پێویستیان بەوەیە شارەزای شێوازو ستراتیژی تاقیکردنه‌وه‌کان ببن . 

له‌م کۆرسانه‌دا ، هه‌ر چوار لایه‌نه‌ سه‌ره‌کییه‌کەی زمانی ئینگلیزی : قسەکردن ، گوێگرتن ، خوێندنەوەو نوسین ، بایەخی تەواویان پێدەدرێت ، هەروەها ته‌کنیک و ستراتیژی نوێ  بۆ وه‌ڵامدانه‌وه‌ی پرسیاره‌کانی تاقیکردنه‌وه‌کان‌  فێری بەشداربوان دەکرێ .

کۆرسەکان لەلایەن  باشترین وانەبێژانی بیانیی ئینگلیزیزمانەوە دەگوترێنەوە .


زانیاریی زیاتر دەربارەی کۆرسەکە :

ماوە : ٨ هەفتە (رۆژانی دوشەممان و چوارشەممان)
به‌روار : ۱٥ - ۳  بۆ  ۱٦‎ - ٥ / ۲۰۱۷
کات : ٥:٠٠  - ٨:٠٠ ئێوارە
نرخ : ٤۷٥ دۆلار (بۆ سەرجەم پێداویستیەکانی وەک کتێب و CD و تاقیکردنەوەو راهێنانەکان)
کۆی ماوەی وانەکانی کۆرسەکە بەسەعات : ٤۸ سەعات
تاقیکردنەوەی سەرەتایی :
پێش خۆناونوسکردن لەکۆرسەکەدا ، فێرخواز بەتاقیکردنەوەیەکی سەرەتاییدا رەت دەبێت کە بۆ دیاریکردنی ئاستی توانایەتی لەزمانی ئینگلیزیدا.


بۆچی له‌ (په‌یمانگای گه‌شه‌پێدانی پیشه‌یی) ئەم کۆرسانە بخوێنیت ؟

خوێندنی کۆرسەکانی (ئامادەکاری بۆ بڕینی تاقیکردنەوەی تۆفڵ ئای بی تی و ئایڵتس) ، لەلای ئێمە لە (پەیمانگای گەشەپێدانی پیشەیی) ی سەر بەزانکۆی ئەمریکیی سلێمانی ، زۆر گرنگە ، چونکە :

  • ئێمە به‌شداربوان هەڵدەسەنگێنین ( پێش تاقیکردنەوەو دوای تاقیکردنەوەش) ، بەمەبەستی ده‌ستنیشانکردنی خاڵی به‌هێزی و خاڵی لاوازییان ، بۆ ئەوەی بتوانن بیر لەچۆنیەتیی پێشخستنی توانای خۆیان بکەنەوە .
  • لەلای ئێمە ، بەشێوەی زۆر دروست راهێنان بەبەشداربوان ده‌کرێت ، بەمەبەستی ئاشناکردنیان بەتەکنیک و ستراتیژو شێوازی تاقیکردنەوەکان .
  • وانەبێژەکانی په‌یمانگای گه‌شه‌پێدانی پیشه‌یی ، بەتواناو شارەزان و ئینگلیزیزمانن .
  • لەپەیمانگەی گەشەپێدانی پیشەیی ، کۆرسەکان لەبازنەی بچوک بچوکدا دەگوترێنەوە (ژمارەی فێرخوازانی هیچ بازنەیەک لە ٢٥ کەس تێپەڕ ناکات) ، ئەمەش هۆکارە بۆ خوڵقاندنی کەشێکی گونجاوی خوێندن  .

پەیوەندیمان پێوە بکە :

بۆ زانیاریی زیاترو خۆناونوسکردن :
ئیمەیڵ : pdi@auis.edu.krd
ژماره‌ی ته‌له‌فۆن: ٠٨٨٢ ٠١٤ ٠٧٧١| ٢٩٤٥ ٥٤٨  ٠٧٧٠