ژیان لەسلێمانی

Photo by Ranj Sarraj

 

مێژوی شار

شاری سلێمانی ، ساڵی ١٧٨٤ لەلایەن ئیبراهیم پاشای بابانەوە کە ئەندامێکی خانەوادەی رەسەن و بەناوبانگی میرانی بابان بو ، بنیادنرا .

دەگێڕنەوە : جارێکیان ئیبراهیم پاشا دەچێتە دەرەوە بۆ راو ، لەناوچەی شارەزوری کۆن کە سلێمانیی ئێستایشی بەدەمەوەبوە ، دەگیرسێتەوە ، دڵی دەچێت بەجوانیی ناوچەکەداو بڕیار دەدات شارێکی لەسەر دروست بکات ، ئەوەبو دروستی کردو بەخۆشیی ناوی باوکیەوە (سلێمان پاشای بابان) ناوی لێنا سلێمانی . 
 
 تایبەتمەندییەکی مێژویی هەیە کە شاری سلێمانی لەشارانیتر جیادەکاتەوە ئەویش ئەوەیە : سلێمانی لەگوندەوە تەشەنەی نەکردوەو پەرەی نەسەندوە بۆ شار ، بەڵکو هەر یەکسەر وەکو شار بنیادنراوە . 
 
سلێمانی دەکەوێتە باکوری رۆژهەڵاتی عێراق ، لەبەری رۆژهەڵاتیەوە هاوسنوری ئێرانە ، لەبەری باشوریەوە هاوسنوری پارێزگای دیالەی عێراقە ، لەبەری رۆژئاوایەوە هاوسنوری شاری نەوتینی کەرکوکە ، لەبەری باکوریشیەوە دیسانەوە هاوسنوری ئێرانە ، هەروەها هاوسنوری پارێزگای هەولێرە .
 
سلێمانی زادگەو پێگەی شاعیران و ئەدیبانێکی دیارو ناوداربوە ، لەوانە : نالی ، مەولەوی ، مەحوی ، پیرەمێرد ، شێرکۆ بێکەس و ... هتد ، زۆربەی شەقامەکانیشی هەر بەناوی ئەو شاعیرو ئەدیبانەوە ناو نراون ، لەبەر ئەوەشی کە زادگەو پێگەی زۆرێک لەڕۆشنبیرانی ئێستای کوردەو ناوەندێکی روناکبیریی چالاکە ، لەلایەن حکومەتی هەرێمی کوردستان و خەڵکی کوردستانەوە ناسناوی (پاییتەختی رۆشنبیری) ی دراوەتێ .
جوانیی سلێمانی و سروشتە جوگرافیەکەی ، رۆڵێکی گەورەیان هەبوە لەدروستکردنی ئەم شوناسە رۆشنبیری و کۆمەڵایەتییەیدا ، ئەوەتا لەهەر چوارلایەوە دەورە دراوە بەچیای گەردنکەش و دڵگیر کە زستانان بەفرو بەهاران گوڵ دایان دەپۆشێت ، ئەمەش وایکردوە شارەکە ببێتە روگەیەکی گەشتیاریی پەسەند بۆ گەشتیارانی ناوخۆیی و دەرەکی ، بەتایبەتی بەهۆی نزیکییەوە لەهاوینەهەوارەکانی وەکو : ئەحمەداوا ، زێوێ ، دوکان ، هۆرامان و ... هتد .
ژمارەی دانیشتوانی سلێمانی خۆی داوە لەهەشت سەد هەزار کەس ، ژمارەی زانکۆکانیشی گەیشتۆتە حەوت دانە : دو زانکۆی حکومی و پێنجی ئەهلێ کە یەکێک لەو زانکۆ ئەهلیانە زانکۆی ئەمریکیی سلێمانییە .     

Photo By Ranj Abdulah


Photo by Sarah Mathieu

Parki Gshti

View of the City taken from Azmer Mountain during sunset. Photo Taken by Korak Agha 

 

Another photo by Korak Agha, a view of the Sulaimani Sign on top Azmer Mountain  

View of Sulaimani mountains during winter. Photo taken by Korak Agha  

View of Sulaimani city during fall. Photo Taken by Korak Agha