پەیوەندیمان پێوە بکە

بۆ خۆناونوسکردن له‌زانكۆی ئه‌مه‌ریكی له‌سلێمانی، تكایه‌ په‌یوه‌ندیمان پێوه‌ بكه‌.

سه‌ردانی زانكۆكه‌مان بكه‌:

زانكۆی ئه‌مه‌ریكی له‌سلێمانی، پێشنیار ده‌كات سه‌ردانی كەمپی زانكۆ بكه‌یت بۆ ئه‌وه‌ی زانیاریی زیاترت دەست بکەوێت دەربارەی زانكۆو وادەکانی خۆناونوسکردن بۆ خوێندن.

سه‌ردانت بۆ زانكۆ، یارمه‌تیت ده‌دات ستافی وه‌رگرتن ببینیت و ئاشنا ببیت بەو هەمو ئاسانكارییه‌ مۆدێرنانەی له‌زانكۆو لەخزمەتی ئێوەدا دەستەبەر کراون.

حاڵی حازر ئۆفیسی وه‌رگرتن رۆژانه‌ دانیشتن بەڕێوە ده‌بات (بۆ زانیاریبەخشین بەئێوە)،  بەزمانی كوردی و عه‌ره‌بی قسە دەکرێت، (رۆژانی یه‌كشه‌ممه‌ تا پێنج شه‌ممه‌، كاتژمێر ٠٣:٠٠ پاش نیوه‌رۆ).

بۆ ئه‌و فێرخوازانه‌ی كه‌ ته‌نها دەتوانن به‌زمانی ئینگلیزی بدوێن، زانكۆ پێشنیاز ده‌كات: سه‌ره‌تا له‌ڕێی ئەم ئیمه‌یلەوە پەیوەندی بکەن و مەوعید وەربگرن: admissions@auis.edu.krd

له‌یه‌كه‌م سه‌ردانتدا رەنگە یەکێک لەم کارانەت بێتەڕێ:

  1. به‌شداریکردن له‌دانیشتنێكی یه‌ك سەعاتیی زانیاریبەخشیندا دەربارەی: زانكۆ، به‌رنامه‌ ئه‌كادیمییه‌كانی، مه‌رجه‌كانی خۆناونوسکردن بۆ خوێندن، چۆنیەتیی خۆناونوسکردن، تاقیكردنه‌وه‌ی تۆیفڵ ئایتیپی و … هتد.
  2. پڕكردنه‌وه‌ی فۆرمێكی زانیاریی یه‌ك لاپه‌ڕه‌یی. له‌و فۆرمه‌دا هەندێک زانیاریت لێ داوا کراوە ده‌رباره‌ی: گەڕەکتان و هەندێک شتی تری سادە کە یارمەتیدەربن بۆ دروستبونی پەیوەندی لەنێوان ئێوەو زانکۆدا.
  3. وەرگرتنی ئیمەیڵێکی تایبەتی کە زانکۆ بۆتانی دروست دەکات ، لەگەڵ وەرگرتنی پاسۆردەکەی (username and password) بۆ ئەوەی لەڕێی ئینتەرنێت و ئەو یوزەرنەیمەوە داواکانتان پێشکەشی  زانكۆ بکەن.
  4. بینینی کەسێکی رێنوێن کە رێنوێنیت دەکات بۆ راییکردنی کاروباری  وه‌رگرتن.

کەسی رێنوێن، کەسێکە لەزانکۆی ئەمریکی لەسلێمانی، یارمه‌تیدەرت دەبێت لەڕاییکردنی کاروباری وەرگرتندا (هه‌ر له‌یه‌كه‌م سه‌ردانته‌وه‌ تا ئه‌و كاته‌ی قبوڵ ده‌كرێیت).

بۆ زانیاریی زیاتر، سه‌یری هه‌نگاوی دوه‌م بكه‌.




زمان

رۆژه‌كانی هه‌فته‌

كات

كوردی، عه‌ره‌بی

یه‌كشەممه‌

دوو شه‌ممه‌

سێشه‌ممه‌

چوار شه‌ممه‌

پێنج شه‌ممه‌

٠٣:٠٠ ی پاشنیوه‌ڕۆ

 

 

 

 

 

 


تكایه‌ ئاگاداربن:

سەردانەکەتان بۆ كامپی زانكۆ ، دو سەعاتێک دەخایەنێت، له‌به‌رئه‌وه‌ ئاگاداربن: کاتەکەتان وەها رێکبخەن كه‌ بتوانن ئاماده‌ی ته‌واوی دانیشتنەکانبن.

دوای کۆتاییهاتنی دانیشتنی زانیاری، دەتوانیت یەکسەر لەڕێی ئینتەرنێتەوە ده‌ست بكه‌یت به‌پڕکردنەوەی فۆرمی (داوای خوێندن) و رەوانەی بکەیت بۆ بەشی وەرگرتن لەزانکۆ.


له‌گەڵمانبن لەڕێی ئینتەرنێتەوە:

وێبسایتی زانكۆی ئه‌مه‌ریكی له‌سلێمانی:

ئه‌گه‌ر ناتوانی سه‌ردانی كامپی زانكۆ بكه‌یت، دەتوانیت له‌ڕێی وێبسایتی زانكۆوه‌، بەشێوەی ئۆنلاین، فۆرمی (داوای خوێندن) پڕبكه‌یتەوه‌، بەپێی ئەم رێنماییانەی خواره‌وه‌:

  1. بڕۆ بۆ سەر فۆرمی ئۆنلاین ، سەرجەم زانیارییە داواکراوەکانی تێدا بەیان بکە. شێوازی تۆ لەپڕكردنه‌وه‌ی ئه‌م فۆرمه‌دا دریدەخات كه‌: تا چ رادەیەک سوریت لەسەر داواکەت.
  2. پاش پڕكردنه‌وه‌ی فۆرمی ئۆنلاین ، ئاگادارینامەیەکت لەڕێی ئیمەیلی تایبەتیی خۆتەوە بەدەست ده‌گات، تیایدا هاتوە كه‌: بەشی وه‌رگرتن لەزانكۆی ئه‌مه‌ریكی له‌سلێمانی، فۆرمە پڕکراوەکەتی به‌ده‌ست گه‌یشتوه‌. پاش ئەوە، له‌ماوه‌ی ١ بۆ ٣ ڕۆژدا، زانكۆی ئه‌مه‌ریكی لەسلێمانی، ئیمه‌یڵێكی پڕ له‌ورده‌كاریت بۆ رەوانە دەکات  كه‌ ئه‌م زانیاریانەی تێدایە:
  3. زانیاری دەربارەی زانكۆی ئه‌مه‌ریكی له‌سلێمانی، به‌رنامه‌ ئه‌كادیمیه‌كانی، مه‌رجه‌كانی خۆناونوسكردن بۆ خوێندن ، چۆنیەتیی خۆناونوسکردن بۆ خوێندن، تاقیكردنه‌وه‌ی تۆیفڵ و … هتد. رەنگە زانیارییه‌كان لەفۆرمی لێکجودادا رەوانە بکرێن، بۆ نمونە لەفایلێکی PDF ی ڤیدیۆییدا، یان لەتێکستێکدا.
  4. زانیاریەکانی ناو ئیمەیلەکە رێنوێنتن بۆ خۆناونوسکردن، هەنگاو بەهەنگاو رێنماییت دەکەن.
  5. کۆدی وەرگیران و ئیمەیڵێک کە زانکۆ بۆی دروست کردویت، لەگەڵ  پاسۆردەکەی.
  6. ناوی کەسی رێنوێن (ئەو کەسەی کە لەڕایکردنی کاروباری وەرگرتنتدا رێنوێنیت دەکات) له‌سه‌ره‌تای هەنگاونانتەوە بەرەو زانکۆی ئەمریکی لەسلێمانی تا کۆتایی کاروبارەکانت.

تێبینی:

ئه‌و ئیمه‌یڵه‌ی بۆ ئەم مەبەستە بەکاری دەهێنیت، ئامرازی پەیوەندیی نێوان تۆو زانکۆ دەبێت و پشتی پێدەبەسترێت، جا تكایه‌ ئیمه‌یڵی تایبەتیی خۆت به‌كاربهێنه‌، ئه‌گه‌ر  ئیمه‌یڵی تایبەتیت نییه‌، تكایه‌ ئێمه‌یڵێکی تایبەتی بۆ خۆت دابنێ و یوزەرنەیم و پاسۆردەکەی بپارێزە.

تێبینی: فۆرمی ئۆنلاین، فۆرمی (خۆناونوسکردن بۆ خوێندن) نییه‌، به‌ڵكو فۆرمێکە بۆ پەیوەندیسازدان  له‌نێوان تۆو تیمی وه‌رگرتنداو هیچیتر.