پلەو پێگەی زانستیی زانکۆی ئەمریکی لەعێراق - سلێمانی

زانکۆی ئەمریکی لەعێراق - سلێمانی (AUIS)، لەپلەبەندییەکدا کە  لەمانگی تشرینی یەکەمی ٢٠١٥ لەلایەن وەزارەتی خوێندنی باڵاو توێژینەوەی زانستیی حکومەتی هەرێمی کوردستانەوە  راگەیەنرا ، پلەی یەکەمی بەدەست هێنا لەناو زانکۆ ئەهلیەکانی هەرێمی کوردستاندا .

ئەنجومەنی بەرێوەبردنی زانکۆ هەمیشە لەهەوڵی بەدەستهێنانی متمانەی ناوەندە ئەکادیمی و مەعریفییە جیهانی و هەرێمی و لۆکاڵیەکاندایە ، لەپاڵ بەدەستهێنانی متمانەی فێرخوازان و کەسوکاریان  .


ئەندامانی (لیژنەی متمانەسەندن) :

Esther Mulnix سەرۆکی بڕیاردەرو جێگری سەرۆکی کاروباری ئەکادیمی

Rachel Gresk سەرۆکی بەشی پڕۆگرامی ئامادەکاریی ئەکادیمی (APP)

Ashty Qazzaz بەشی ئەندازیاری

Tobin Hartnell بەشی زانستە کۆمەڵایەتیەکان

Ramalingam Periasamy بەشی بیرکاری و زانستی سروشتی


عێراق

بەپێی یاساکانی حکومەتی هەرێمی کورستان کە هەرێمێکی سەربەخۆیەو دەستوری عێراق رێگەی داوە دروست ببێت ، زانکۆی ئەمریکی وەک ڕێکخراوێکی باوەڕپێکراو لەشاری سلێمانی هاتۆتە دامەزراندن .

ئەم زانکۆیە بەیەكێک لەباشترین زانکۆکان دادەنرێت لەناو زانکۆ ئەهلیەکانی هەرێمی کوردستاندا (بەپێی ئەو پلەبەندییەی کە وەزارەتی خوێندنی باڵاو توێژینەوەی زانستی لەهەرێمی کوردستان کردویەتی) .

زانکۆی ئەمریکی لەسلێمانی ، بەپێی یاساکانی وەزارەتی خوێندنی باڵاو توێژینەوەی زانستیی حکومەتی هەرێمی کوردستان و حکومەتی عێراقی فیدراڵ ، کار دەکات.

بێجگە لەپابەندبون بەبنەما چەسپاوەکانی خودی زانکۆی ئەمریکی ، فێرخوازانی زانکۆکە  پابەندن بەهەمو یاساکانی وەزارەتی خوێندنی باڵاو توێژینەوەی زانستیی هەرێمی کوردستانیشەوە .

 زانیاریی  زیاتر دەربارەی وەزارەت لێرەدا ببینە


ویلایەتە یەکگرتوەکانی ئەمریکا

پرۆگرامی ئامادەکاریی ئەکادیمی (APP)  کە بەزمانی ئینگلیزی دەگوترێتەوە ، وەها داڕێژراوە  لەئاستی ئەو ستانداردانەدا بێت  کە لەسەر ئاستی نێودەوڵەتی دیاری کراون ، بگرە لەو ئاستە بەرەوسەرتریشبێت .

 

لەسەر ئەو بنەمایە ، لیژنەی دانپێدانان و متمانەبەخشین بەپرۆگرامی ئینگلیزی (CEA) لەویلایەتە یەکگرتوەکانی ئەمریکا کە سەر بەوەزارەتی خوێندنی باڵای وڵاتەکەیە  ، متمانەی بەخشیوەتە  پرۆگرامی ئامادەکاریی ئەکادیمی (APP) ی  زانکۆی ئەمریکی لەسلێمانی  بۆ ماوەی ٥ ساڵ (لەمانگی ٤ ی ساڵی ٢٠١٥ ەوە  تا  مانگی ٤ ی ساڵی ٢٠٢٠) .

لیژنەی دانپێدانان و متمانەبەخشین بەپرۆگرامی ئینگلیزی (CEA) ، دەستەیەکی نێودەوڵەتیی تایبەت بەدانپێدانان و متمانەبەخشینە بەپرۆگرامە ئینگلیزیەکان لەناو ئەمریکاو دەرەوەی ئەمریکا ، متمانەی لەوەزارەتی خوێندنی باڵای ویلایەتە یەکگرتوەکان وەرگرتوە . 

پرۆگرامی ئامادەکاریی ئەکادیمی (APP) ی زانکۆی ئەمریکی لەسلێمانی ، لەئاستی بەرزدا کاردەکات ، وەها کە  لەگەڵ ستانداردە جیهانیەکانی تایبەت بەخوێندنی باڵادا یەکانگیربێت ، بۆ ئەوەش پشتی بەستوە بەوانەبێژی بەتواناو سەرچاوەی زانستیی چڕوپڕ.

بەهۆی هەوڵی بەردەوامی ستاف و کارمەندانیەوە ، پرۆگرامی ئامادەکاریی ئەکادیمی (APP) بۆتە جێگای رێزی کۆمەڵگە بەگشتی و فێرخوازان و کەسوکاری فێرخوازان بەتایبەتی .

دۆکیومێنت و زانیاریی زیاتر لەمبارەیەوە  لەئۆفیسی بەڕێوەبردنی APP لەزانکۆ ( بینای B) دەست دەکەوێت .