مه‌رجه‌كانی تایبەت بەزمانی ئینگلیزی

 

ئەو فێرخوازانەی دەیانەوێت لەزانکۆی ئەمریکی وەربگیرێن، دەبێت توانایان لەزمانی ئینگلیزیدا لەو ئاستە نزمتر نەبێت کە لێیان داوا دەکرێت، دەبێت (لانیکەم) ئەوندە لەزمانەکە بزانن کە ببێتە بەڵگە لەسەر ئەوەی دەتوانن لەداهاتودا پەرە بەتوانای خۆیان بدەن لەبواری ئینگلیزیداو پێی بخوێنن.

  • دیاریکردنی ئاستی فێرخواز لەزمانی ئینگلیزیدا لەڕێی تاقیکردنەوەوە

  • سیاسه‌تی تاقیكردنه‌وه‌

زانكۆی ئه‌مه‌ریكی له‌سلێمانی و بەرنامەی ئامادەسازیی ئەکادیمی، لەخزمەتی فێرخوازاندان له‌هه‌ر ته‌مه‌نێكدابن، سەر بەهەر كەلتورێکبن و پاشخانی کۆمەڵایەتییان هەر چۆنێکبێت.

ئاستی لێوەشاوەیی هەمو فێرخوزێک لەزمانی ئینگلیزیدا تاقی ده‌كرێته‌وه‌ (لەڕێی تاقیكردنه‌وه‌ی تۆیفڵەوە) پێشئه‌وه‌ی له‌زانكۆ ده‌ست به‌خوێندن بكات.

سیاسه‌تی وه‌رگرتن لەزانكۆی ئه‌مه‌ریكی له‌سلێمانی بەتەواوی لەقازانجی فێرخواز داڕێژراوە.

فێرخوازانی زانکۆ، هەمو ئەو رێنماییانەیان ده‌درێتێ كه‌ پێویستیانه‌ بۆ ئه‌وه‌ی بەپێی سیسته‌می په‌روه‌رده‌ی ئه‌مه‌ریكی هەڵکشێن و گه‌شه‌ بكه‌ن.

بۆ دیاریکردنی ئاستی فێرخواز، پشت دەبەسترێت بەتاقیكردنه‌وه‌ی تۆیفڵ ئایتیپی (یاخود هەر تاقیكردنه‌وه‌یەکی هاوتای ئەو) پێش چونەناو (به‌رنامه‌ی ئاماده‌سازیی ئه‌كادیمی: ١، ٢، ٣، ٤ و دەستکردن بەخوێندنی به‌كالۆریۆس).

پشیبەستن بەتاقیكردنه‌وه‌ی تۆیفڵ بۆ دیاریكردنی ئاستی لێوەشاوەیی فێرخواز لەزمانی ئینگلیزیدا، کارێكی دادپه‌روەرانه‌و بابه‌تییانه‌یەو یەکێکە لەداهێنانەکانی زانکۆی ئەمریکی لەسلێمانی.

پشتبەستن بەتۆیفڵ بۆ دیاریكردنی ئاستی لێوەشاوەیی فێرخواز لەزمانی ئینگلیزیدا، چ پێش خوێندن له‌به‌رنامه‌ی ئاماده‌سازیی ئه‌كادیمی و چ پێش خوێندنی به‌رنامه‌ی به‌كالۆریۆس  کارێکی زۆر دادپەروەرانەو بابەتیانەیە.


ئاسۆكانی زانكۆی ئه‌مه‌ریكی له‌سلێمانی (فێرخوازه‌ نوێیه‌كان):

زانكۆی ئه‌مه‌ریكی له‌سلێمانی، سورە لەسەرئەوی کە تاسەر پشت ببەستێت بەتۆیفڵ ئایتیپی ئێڵ ١ (TOEFL ITP L1) وه‌ك تاقیكردنه‌وه‌ی به‌رایی زمانی ئینگلیزی.

لەڕێی تۆیفڵەوەیە کە دەتوانرێت ئاستی لێوەشاوەیی فێرخواز لەزمانی ئینگلیزیدا دیاری بکرێت و بزانرێت کە ئاخۆ ئەو فێرخوازە شایستەی کام لەچوار ئاستەکەی  به‌رنامه‌ی ئاماده‌سازیی ئه‌كادیمییە تا لێی دابنیشێت و لێی بخوێنێت.

ئه‌نجامی تاقیكردنه‌وه‌ی تۆیفڵ ئایتیپی بۆ فێرخوازه‌ نوێیه‌كان دواهه‌مین تاقیكردنه‌وه‌یه‌، تۆیفڵە کە ئاستی فێرخواز دیاری ده‌كات و بۆمان ساغ دەکاتەوە کە ئەو فێرخوازە شایستەی کام لەئاسته‌كانی به‌رنامه‌ی ئاماده‌سازیی ئه‌كادیمییە.


فێرخوازانی خۆناونوسکردو بۆ به‌رنامه‌ی ئاماده‌سازیی ئه‌كادیمی: خۆناونوسکردوانی تازە، هەروەها ئه‌وانه‌ی کە وازیان هێناوه‌ یان مۆڵه‌تیان وه‌رگرتوه‌:

فێرخواز، پاش خۆناونوسکردن، ئه‌گه‌ر ویستی لەئاستێکی به‌رنامه‌ی ئاماده‌سازیی ئه‌كادیمییەوە شوێنی خۆی بگۆڕێت بۆ ئاستێکی بەرزتر، رێی پێده‌درێت، بەڵام پاش سەرلەنوێ بەشداریکردنەوە له‌تاقیكردنه‌وه‌یه‌كی تری فه‌رمیی تۆیفڵ ئایبیتی له‌وادەی بەڕێوەچونی  تاقیكردنه‌وه‌ی تۆیفڵدا، هەروەها بەدەستهێنانی نمرەیەکی بەرزتر کە دەریبخات ئەو فێرخوازە شایستەی ئاستێکی بەرزترە لەئاستی پێشوی.

  •  به‌ده‌ستهێنانی نمره‌یه‌كی به‌رزتر له‌تاقیكردنه‌وه‌ی تۆیفڵدا، ئاستی فێرخواز له‌به‌رنامه‌ی ئاماده‌سازیی ئه‌كادیمیدا دەباته‌ پێشه‌وه‌.
  • بەڵام بەدەستنەهێنانی نمره‌ی بەرزتر لەتاقیکردنەوەکەدا، یاخود بەدەستهێنانی نمرەیەکی نزمتر لەوەی کە پێشتر هەیبوە، نایگەڕێنێتەوە دواوە بۆ ئاستیکی نزمتر لەو ئاستەی کە لەبه‌رنامه‌ی ئاماده‌سازیی ئه‌كادیمیدا تیایدا دانراوە.

فێرخواز، بۆ ئه‌وه‌ی راسته‌وخۆ له‌به‌رنامه‌ی ئاماده‌سازیی ئه‌كادیمییه‌وه‌ بەتاقیكردنه‌وه‌ی به‌رنامه‌ی به‌كالۆریۆسدا رەت ببێت، ده‌بێت تاقیكردنه‌وه‌ی تۆیفڵ ئایبیتی تێپه‌ڕێنێت.

ئه‌م تاقیكردنه‌وه‌یه‌ گشتیتره‌، هه‌مو به‌هره‌و لێوەشاوەییە  ئه‌كادیمییه‌كانی فێرخوازی تێدا تاقی ده‌كرێته‌وه‌.

ئه‌م تاقیکردنەوەیە، تۆكمه‌یی و دڵنیایی زیاتر دەبەخشێتە  پرۆگرامی بەکالۆریۆس.


خۆناونوسکردن بۆ ئەنجامدانی تاقیكردنه‌وه‌:

  •  ئۆفیسی تاقیكردنه‌وه‌ لەزانكۆی ئه‌مه‌ریكی له‌سلێمانی،  بواری ئەنجامدانی تاقیكردنه‌وه‌ی تۆیفڵ ئایبیتی بۆ هەمو فێرخوازانی خۆناونوسکردو له‌به‌رنامه‌ی ئاماده‌سازیی ئه‌كادیمی دەڕەخسێنێت.
  •  تاقیكردنه‌وه‌کان كه‌ له‌لایه‌ن (ETS - ئینگلیزی وه‌ك زمانی بێگانه‌) ه‌وه‌ وادەکانی بەڕێوەچونیان دیاری دەکرێن، بوار بۆ به‌شداریکردنی  ٢٠ تا٤٠ کەس دەڕەخسێنێن لەهەر مانگێکدا (بەپێی ژمارەی کورسی کە ٢٠ بۆ ٤٠ دانەیە لەهەر مانگێکدا).
  •  وادەی خۆناونوسکردن له‌ڕێی ئێمه‌یڵه‌وه‌: پاشتر راده‌گه‌یه‌نرێت.

ئه‌و فێرخوازانه‌ی كه‌ بەنیازی خۆناونوسکردنن، ده‌بێت فۆرمی خۆناونوسکردن، كۆپیی پاسپۆرت، هەروەها کرێی بەشداریکردن لەتاقیكردنه‌وه‌کەدا، بهێنن بۆ ئۆفیسی تاقیکردنەوە له‌وادەی دیاریکراودا.

  •  هەر فێرخوازێک بەشداریی تاقیكردنه‌وه‌ی تۆیفڵ ئایبیتی بکات، بۆی نییە سەرلەنوێ بەشداریی تێدا بکاتەوە هەتا ٣٠ رۆژ دوای ئەوە، پاش تێپەڕبونی ٣٠ رۆژ بەسەر تاقیکردنەوەی پێشویدا، دەتوانێت سەرلەنوێ بەشداری لەتاقیکردنەوەیەکی تری تۆیفڵ ئایبیتیدا بکات.

فێرخواز، بۆ ئه‌وه‌ی راسته‌وخۆ له‌به‌رنامه‌ی ئاماده‌سازیی ئه‌كادیمییه‌وه‌ بەتاقیكردنه‌وه‌ی به‌رنامه‌ی به‌كالۆریۆسدا رەت ببێت، ده‌بێت تاقیكردنه‌وه‌ی تۆیفڵ ئایبیتی تێپه‌ڕێنێت.

ئه‌م تاقیكردنه‌وه‌یه‌ گشتیتره‌، هه‌مو به‌هره‌و لێوەشاوەییە  ئه‌كادیمییه‌كانی فێرخوازی تێدا تاقی ده‌كرێته‌وه‌.

ئه‌م تاقیکردنەوەیە، تۆكمه‌یی و دڵنیایی زیاتر دەبەخشێتە  پرۆگرامی بەکالۆریۆس.

ئاسته‌كانی زانكۆی ئه‌مه‌ریكی له‌عێراق - سلێمانی

تۆیفڵ ئایتیپیTOEFL ITP

تۆیفڵ ئایبیتی TOEFL iBT

ئایڵێتس IELTS

بنه‌ماكانی ئینگلیزی 320-399 0-26 0-4
ئاستی ١ 400-442 27-42 4.5-5
ئاستی ٢ 443-496 43-58 5.5
ئاستی ٣ 497-532 59-71 6
ئاستی ٤ دیاریكردنەوەی ئاست به‌هۆی تێپه‌ڕاندنی ئاستی ٣ ی به‌رنامه‌ی ئاماده‌سازیی ئه‌كادیمییەوە دیاریكرنەوەی ئاست به‌هۆی تێپه‌ڕاندنی ئاستی ٣ ی به‌رنامه‌ی ئاماده‌سازیی ئه‌كادیمییەوە دیاریكردنەوەی ئاست به‌هۆی تێپه‌ڕاندنی ئاستی ٣ ی به‌رنامه‌ی ئاماده‌سازیی ئه‌كادیمییەوە
به‌كالۆریۆس 533-677 72-120
به‌لایه‌نی كه‌مه‌وه‌ ده‌بێت بۆ هه‌ر به‌شێك نمره‌ ١٥ وه‌ربگرێت
6.5