سەنتەری گەشەپێدان و سەرچاوە سروشتیەکان

سەنتەری گەشەپێدان و سەرچاوە سروشتیەکان  CDNR ئامانجی ئەوەیە روانگەیەک و شێوازێک  بۆ رێکخستنی سامانی نەوتی عێراق دەستەبەر بکات ، بەجۆرێک  کە زەمینە بڕەخسێنێت بۆ ئەوەی نەوت لەوڵاتەکەدا ببێتە بایسی خۆشگوزەرانیی خەڵک و چەسپاندنی حکومڕانییەکی  دادپەروەرانە لەکۆمەڵگەدا .

سەنتەرەکە بەهاری ساڵی ٢٠١٥ دامەزراوە ، سەر بەپەیمانگای توێژینەوە هەرێمی و نێودەوڵەتیەکان (IRIS) ەو پەیمانگەکەش سەر بەزانکۆی ئەمریکییە لەسلێمانی .

سەنتەری گەشەپێدان و سەرچاوە سروشتیەکان لەزانکۆی ئەمریکی لەسلێمانی ، بەهاوکاریی کەسانی شارەزاو کاری هاوبەش لەگەڵ ئەوان ، پەرە بەکارو چالاکیەکانی خۆی دەدات و لەهەوڵی چاسپاندنی ئامانجەکانیدا دەبێت.

ئامانجی سەرەکی سەنتەرەکە دو دانەیە :

یەکەم / بەهۆی لێکۆڵینەوەو توێژینەوەکانیەوە ببێت بەسەرچاوە بۆ کۆکردنەوەو بەخشینی زانیاری دەربارەی هەر شتێک کە پەیوەندیی بەسامانی نەوتی عێراق ، عێراق خۆی ، هەروەها فیدڕاڵیزمەوە هەبێت .

دوەم /  لەڕێی چالاکیەکانیەوە ببێتە یەرمەتیدەر لەفراوانکردنی ئاستی تێگەیشتنی بەرپرسانی حکومی لەعێراق ، هاوڵاتیان ، هەروەها خوێندکاران ،  بۆ ئەوەی بتوانرێت  بڕیاری دروست دەربارەی چۆنیەتیی بەڕێوەبردنی نەوتی وڵاتەکە بدرێت .


چالاکیەکانی CDNR:

سەنتەری گەشەپێدان و سەرچاوە سروشتیەکان  CDNR ، چ بەتەنیا ، چ  بەهەماهەنگی لەگەڵ ناوەندی تری  لێکۆڵینەوە ، کۆمپانیای نەوت ، وەزارەتەکانی حکومەت ، یان هەر دامەزراوەیەکی تری ئەکادیمی ، بەدوای چەسپاندنی ئامانجەکانیەوە دەبێت لەڕێی چالاکییە جۆراوجۆرەکانیەوە ، لەوانە :

  • کۆکردنەوەو بڵاوکردنەوەی زانیاری بەشێوەی  راپۆرت ، وتار، توێژینەوەو … هتد .
  • پێشکەشکردنی کۆرسی تایبەت دەربارەی (نەوت ، سیاسەت ، سیستمی فەرمانڕەوایی ، … هتد)  بۆ خوێندکارانی زانکۆی ئەمریکی لەسلێمانی ، هەروەها پێشکەشکردنی جەندین  پرۆگرامی جۆراوجۆر.
  • میوانداریکردنی لێکۆڵەرو توێژەرانی بیانی بۆ پێشکەشکردنی توێژینەوەو لێکۆڵینەوە لەبارەی عێراق و هەرێم و ناوچەکەوە بەگشتی .
  • ئەنجامدانی راهێنان و وۆرکشۆپی تایبەت  .