سەنتەری شوێنەوارناسی و کەلتورناسی

سەنتەری شوێنەوارناسی و کەلتورناسی لەزانکۆی ئەمریکی -  سلێمانی (CACHE) بایەخ دەدات بەزانستی : شوێنەوارناسی ، کەلتورناسی ، زەویزاناسی و هەر زانستێکیتر کە یارمەتیدەربێت لەسەرخستن و بەڕێوەبردنی کاروبارەکانیدا.

چالاکیەکانی سەنتەرەکە بەم شێوەیەیە : راهێنان ، پەرەپێدان ، سازدانی گفتوگۆی تایبەت بەشوێنەوارناسی ، لێکۆڵینەوە لەشوێنەوارە کەلتوریەکانی عێراق و هەرێمی کوردستان و پاراستنیان لەڕوخان ، بەتایبەتی لەدەستی داعش و گروپە هاوشێوەکانیان. 

>> پاراستنی پاشماوە کەلتوریەکانی عێراق : لێدوان لەلایەن ئاکسێل پلاث ، بەڕێوبەر، یونسکۆ - عێراق

>> دروستکردنی داهاتویەکی گەش لەڕێی پاشماوە کەلتوریەکانەوە : وتەیەک لەلایەن جیۆرجی بەستین ، جێگری نوێنەری تایبەتیی  یۆنامی لەعێراق. 

سەنتەری شوێنەوارناسی و کەلتورناسی لەزانکۆی ئەمریکی -  سلێمانی (CACHE) ، هاوینی ٢٠١٥ دامەزرا ، وەک بەشێکی سەر بەپەیمانگەی لێکۆڵینەوە هەرێمی و نێودەوڵەتییەکان .

ئەم سەنتەرە ناوەندێکی گرنگی زانیاریی شوێنەوارناسی و کەلتورناسییە ، هەوڵدەدات باشترین و دیارترین توێژەر ، سیاسەتوان ، رۆشنبیرو بەهرەمەند ، لەسەرانسەری عێراق و هەرێمی کوردستان و ئەوروپاو وڵاتە یەکگرتوەکانی ئەمەریکاوە رابکێشێت بەلای خۆیداو سود لەتواناکانیان وەربگرێت لەخزمەتی پێشخستنی کارو چالاکیەکانیدا .

سەنتەری شوێنەوارناسی و کەلتورناسی لەزانکۆی ئەمریکی -  سلێمانی (CACHE) لەو رۆژەوەی کە دامەزراوە ، چەندین وۆرک شۆپی گرنگی لەدەرەوەو ناوەوەی هەرێم سازداوە بۆ بڵاوکردنەوەی شارەزایی و ئاگایی دەربارەی شوێنەوارو پاشماوە کەلتوریەکانی عێراق و هەرێمی کوردستان ، بەهەماهەنگی لەگەڵ (پەیمانگەی لێکۆڵینەوە هەرێمی و نێودەوڵەتییەکان) .

سەنتەرەکەمان ، ساڵانە کۆنگرەی تایبەت بەشوێنەوارناسی لەئامێز دەگرێت کە کەسانی دیارو پسپۆڕ  لەناوخۆو دەرەوەی هەرێم بەگفتوگۆو پێشکەشکردنی بابەتی باش بەشداریی تێدا دەکەن و دەربارەی جۆنیەتیی پاراستنی شوێنەوارو پاشماوە کەلتوریەکانی عێراق و هەرێمی کوردستان بیروڕا دەگۆڕنەوە .   

سەنتەری شوێنەوارناسی و کەلتورناسی لەزانکۆی ئەمریکی -  سلێمانی (CACHE) لەئێستادا سەرقاڵی  لێکۆڵینەوەیە دەربارەی چەند  شوێنەوارێکی کۆن لەدەوروبەری شاری سلێمانی .