سیاسەتی بیرکاری

بەهرەمەندیی فێرخواز لەبیرکاریدا ، مەرجێکە لەمەرجەکانی بڕینی قۆناغی بەکالۆریس لەزانکۆی ئەمریکیی سلێمانی جا لەهەر پسپۆڕییەکدابێت ،  بەتایبەتی لەپسپۆڕیی ئەندازیاریدا .

زانکۆى ئەمریکیی  سلێمانى ، خوازیارە سەرجەم فێرخوازەکانى  لەوانەى بیرکاریدا سەرکەوتوبن ، لەبەرئەوە خوێندنی بیرکاریی کردوە بەپێشمەرج بۆ خوێندن لەزانکۆکەدا ، واتە دەبێت سەرجەم فێرخوازان وانەی بیرکاری بخوێنن .

فێرخوازان ، لەدەستپێکى کۆرسی سێیەمی پرۆگرامی ئامادەسازیی ئەکادیمیدا (واتە کاتێک کە کۆرسی دوەم تەواو دەکەن و پێهەڵدەگرن بەرەو خوێندنی کۆرسی سێیەم)، پێویستە بەتاقیکردنەوەیەکی بیرکاریدا رەت ببن کە بۆ دەستنیشانکردنی ئاستی توانایانە لەبیرکاریدا ، پاش دیاریکردنی ئاستی توانایان لەبیرکاریدا ، دەبێت هەریەکە بەپێی ئاستی دیاریکراوی خۆی ، یەکێک لە (٢) قۆناغەکەی بیرکاری بخوێنێت : یان بیرکاریی ئاستى یەک MATH 1 ، یان بیرکاریی ئاستی دو MATH 2 (بەپێی ئەو ئاستەی کە لەتاقیکردنەوەی دیاریکردنی ئاستدا بۆی دیاری کراوەو تێیدا دانراوە) ، بۆ ئەوەى کۆتایی بەخوێندنی پرۆگرامی ئامادەسازیی ئەکادیمی بهێنێت و پێهەڵبگرێت بەرەو خوێندنی پرۆگرامی ئەکادیمی .

لەهەمو حاڵەتێکدا پێویستە فێرخواز بیرکاریی ئاستی یەکMATH 1 ببڕێت بۆ ئەوەی (پرۆگرامی ئامادەسازیی ئەکادیمی) کۆتایی پێبهێنێت و پێهەڵبگرێت بەرەو خوێندنی پرۆگرامە ئەکادیمەکەی ، بەڵام بیرکاریی ئاستى دو MATH 2 تەنها لەکۆرسی سێیەم و چوارەمی پرۆگرامی ئامادەسازیی ئەکایمیدا دەخوێندرێت .

لەکۆتایی کۆرسی دوەمی پرۆگرامی ئامادەسازیی ئەکادیمیدا ، دەبێت سەرجەم فێرخوازان بچنەبەر تاقیکردنەوەى بیرکاری ، بۆ دیارکردنی ئاستی توانایان لەبیرکاریدا ، پاش ئەوە دەبێت لەکۆرسی سێیەمی پرۆگرامی ئامادەسازیی ئەکادیمیدا دەست بکەن بەخویندنی یەکێک لە (٢) ئاستەکەی وانەی بیرکاری (هەر یەکە بەپێی ئەنجامی تاقیکردنەوەکەی).

  • فێرخواز ، ئەگەر نەچێتەبەر تاقیکردنەوەی بیرکاری ، بۆ دیاریکردنی ئاستی توانای لەبیرکاریدا ، ئەوا راستەوخۆ دەخرێتەبەر خوێندنی بیرکاریی ئاستی یەک Math 1 .
  • فێرخواز تەنها یەک جار بۆی هەیە بچێتەبەر ئەم تاقیکردنەوەیە .
  • فێرخوازانی کۆرسی سێیەم و چوارەمی پرۆگرامی ئامادەسازیی ئەکادیمی ، پێویستە لەسەریان یەکێک لە (٢) ئاستەکەی بیرکاری ( Math 1 and Math 2)) بخوێنن (هەریەکەیان بەپێی ئەو ئاستەی کە لەدوای تاقیکردنەوەی توانایان لەبیرکاریدا بۆیان دیاری دەکرێت) .
  • لەهەمو حاڵەتێکدا بڕینی ئاستى یەکەمى بیرکارى ، پێشمەرجی کۆتاییهێنانە بەپرۆگرامی ئامادەسازیی ئەکادیمی .
  • غایببون لەوانەی بیرکاردا ، شوێنەواری خراپ لەسەر وانەکانی تریش بەجێدەهێڵێت ، دەبێتە هۆی راسببونی فێرخواز لەوانەی ئینگلیزییشدا ، هەروەها غایببون  لەوانەى ئینگلیزییشدا دەبێتە هۆى راسببون لەوانەى بیرکاریدا .

رونکارییەک بەجەدوەل

پرۆگرامى بیرکارى

نمرەى کۆتایى

ئەنجام

   ئاستى یەکەم MATH 1

70-100

 

دەست دەکات بەخوێندنی MATH 2  یان خوێندنی  بیرکاریی ئەکادیمی

  ئاستى یەکەم MATH 1

50-70

دەبێت دوبارە دەست بکاتەوە بەخوێندنی MATH 1           

ئاستى یەکەم MATH 1

 

0-50

 

 دەبێت سەرلەنوێ دەست بکاتەوە بەخوێندنی سەرجەم کۆرسەکە (کۆرسی دوەمی پرۆگرامی ئامادەسازیی ئەکادیمی) بەهەردو وانەکەوە (ئینگلیزى و بیرکارى)

ئاستى دووەم

MATH 2

70-100

پێویست ناکات MATH 101   بخوێنێت بەڵکو تەنها بیرکاریەکەی پرۆگرامی ئەکادیمی دەخوێنێت کە سێ یەکەیە .

ئاستى دووەم MATH 2

50-70

دەبێت دەست بکات بەخوێندنی بیرکاریی ئەکادیمی  MATH 101

 

ئاستى دووەم MATH 2

0-50

دەبێت سەرلەنوێ دەست بکاتەوە بەخوێندنی کۆرسی چوارەمی پرۆگرامی ئامادەسازیی ئەکادیمی .

چەند تێبینییەک بۆ ئەو فێرخوازانەى کە خوازیارن بچنە بەشی ئەندازیاری بۆ خوێندن :

ئەگەر فێرخواز ٧٠ یان بەرەوسەرتری هێنا ، ئەوا ناچار نییە بیرکاریی ئەکادیمی (Math 101) بخوێنێت ، بەڵکو تەنها ئەو سێ یەکەیە دەخوێنێت کە لەپرۆگرامی ئەکادیمیدا دیاریکراوە بۆ خوێندن .

فێرخوازانی ئەندازیاری ، دوای کۆتاییهێنان بەخوێندنی  Math 2 ، دەست دەکەن بەخوێندنی Math 133 (چوار یەکە دیاریکراوە بۆ خوێندن) .

ئەو فێرخوازانەی بەشی ئەندازیاری کە لەپرۆگرامی ئامادەسازیی ئەکادیمیدا Math 133 ناخوێنن ، ماوەی خوێندنیان لەچوار ساڵدا کۆتایی نایەت ، بەڵکو درێژە دەکێشێت بۆ سەروی چوار ساڵ .

رێنمایی بۆ فێرخوازان :

فێرخواز ، لەگەڵ بڕینی کۆرسی دوەمی پرۆگرامی ئامادەسازیی ئەکادیمی و پێهەڵگرتن بەرەو خوێندنی کۆرسی سێیەمی پرۆگرامەکە ، پێویستە بچێتە بەر تاقیکردنەوەی بیرکاری ، بۆ ئەوەی بزانرێت توانای لەبیرکاریدا لە چ ئاستێکدایە .

فێرخوازانی پرۆگرامی ئامادەسازیی ئەکادیمی ، لەڕێی بەرنامەی ئەلیکترۆنیی  Topschool ەوە دەچنە ناو خو‌ندنی بیرکارییەوە .

تاقیکردنەوەی دیاریکردنی توانا لەبیرکاریدا :

هەمو فێرخوازێک مافی ئەوەی هەیە بەشداریی (تاقیکردنەوەی دیاریکردنی توانا لەبیرکاریدا) بکات ، بەڵام تەنها یەک جار ، ئەویش دوای بڕینی کۆرسی دوەمی پرۆگرامی ئامادەسازیی ئەکادیمی و پێهەڵگرتن بەرەو خوێندنی کۆرسی سێیەمی پرۆگرامەکە .

فێرخوازانی کۆرسی سێیەمی پرۆگرامی ئامادەسازیی ئەکادیمی ، لەهەفتەی رێنماییکردن (أسبوع التوجيه) دا ، دەچنەبەر (تاقیکردنەوەی دیاریکردنی توانا لەبیرکاریدا) .

ئەو فێرخوازانەی کە یەکسەر لەخوێندنی ئەکادیمی وەردەگیرێن ، پێش ئەوەی بەفەرمی ببنە فێرخوازی زانکۆی ئەمریکیی سلێمانی و دەست بەخوێندن بکەن ، لەگەڵ فێرخوازانی بەشی بیرکاریی ئەکادیمیدا دەچنەبەر (تاقیکردنەوەی دیاریکردنی توانا لەبیرکاریدا) .