دەربارەی PDI

پەیمانگای گەشەپێدانی پیشەیی(PDI) ، تەواوکەری ئامانجە پەروەردەییەکانی زانکۆی ئەمەریکییە لەسلێمانی ، کاردەکات بۆ دەستەبەرکردنی دەرفەتی پەروەردەیی بۆ کەسانی پیشەوەرو ئەوانەی کە ئارەزو دەکەن کارامەیی نوێ فێرببن یان توانای  پیشەیی خۆیان پێش بخەن ، ئەمەش بەفەراهەمکردنی کۆمەڵێک پڕۆگرام کە لەڕێیەوە بەشداربوان دەتوانن تواناکانیان گەشە پێبدەن ، خزمەتگوزاریی باشتر پێشکەش بکەن و  رابەرایەتیی کۆمەڵگاکانیان بکەن بەرەو ئایندەیەکی باشتر .

بەهەماهەنگی لەگەڵ بەشداربوانی کۆرسەکانمان و کەسانی پرۆفێشناڵ ، پەیمانگاکەمان لەهەوڵی بەردەوامدایە بۆ دیزاینکردن و ئامادەکردنی کۆرسی نوێ و پێشکەوتو.

باوەڕمان وایە کە بەدابینکردنی پڕۆگرامی پێشکەوتو و خزمەتگوزاریی کوالیتی بەرز، دەتوانین ڕۆڵێکی گرنگ بگێڕین لەگەشەپێدانی توانای مرۆیی کۆمەڵگاکەماندا .

پەیمانگاکەمان کۆرسی  راهێنانی بۆ چەندین کۆمپانیاو رێکخراو دەستەبەر کردوە ، لەوانە : ئاسیاسێڵ ، لافارج ، گروپی کۆمپانیاکانی ماس ، گروپی کۆمپانیاکانی فاروق ، وێستێرن زاگرۆس ، کۆڕەک ،  مێرسی کۆرپس ، وەزارەتی خوێندنی باڵا ،  وەزارەتی پلان دانان و بەڕێوەبردن … هتد .

 

پەیمانگاکەمان یەکەمین شوێن بو لەعێراق  کە مۆڵەتی وتنەوەی کۆرسی بەڕێوەبردنی پڕۆژەی پرۆفیشناڵ (PMP) ی پێدرا لەلایەن پەیمانگای بەڕێوەبردنی پڕۆژەوە (PMI) کە گەورەترین رێکخراوی بەڕێوەبردنی پڕۆژەیە  لەجیهاندا.

(PDI) هەمو بنەماو پێوەرە بنچینەییەکانی  PMI ی تێدا بوە  لەڕوی  ناوەرۆکی کۆرسەکان ، شیاویی  مامۆستاو شێوازی وانە وتنەوەوە .

(PDI) لەلایەن (PMI) ەوە  مۆڵه‌تی پێدراوە  بۆ ئەوەی هاوکاریی بەڕێوەبەرانی پڕۆژە بکات  بۆ بەدەستهێنانی چه‌ندین بڕوانامه‌ی نێوده‌وڵه‌تیی وه‌ک :  بەڕێوەبردنی پڕۆژەی پرۆفیشناڵ (PMP)، به‌ڕێوه‌بردنی پڕۆگرامی پرۆفێشناڵ (PgMP) ،  لەگەڵ چەندین بڕوانامەی دیکەی (PMI).

پەیمانگاکەمان مۆڵەتی تایبەتی  لەلایەن ئەکادیمیای سیسکۆ بۆ کاروباری IT دراوەتێ ،  کۆرسی CCNA  پێشکەش دەکات بەپسپۆڕانی بواری  IT  بەمەبەستی پێشترخستنی تواناکانیان .

پەیمانگای گەشەپێدانی پیشەیی (PDI) لە زانکۆی ئەمەریکی لەسلێمانی ، پشتگیریی کەسایەتیەکان ، رێکخراوەکان و گروپە پیشەییەکان دەکات لەڕێی پێشکەشکردنی  کۆرس و پڕۆگرامەوە کە زۆربەیان تەرخان کراون بۆ خوێندنی زمانی ئینگلیزی و بەڕێوەبردن و کارگێڕیی کار .

مامۆستا ئەمریکیەکانمان کە زمانی ئینگلیزی زمانی دایکیانە ، هەوڵ دەدەن بەشێوازێکی مۆدێرن فێرخوازەکانمان فێر بکەن و  ئامادەیان بکەن بۆ کارکردن لەبازاڕە دیارو نێودەوڵەتیەکاندا .

پەیمانگای گەشەپێدانی پیشەیی (PDI) ئامێزی واڵایە بۆ وەرگرتنی داواکاریەکانتان و ئامادەیە بۆ دابینکردنی کۆرس و پڕۆگرامی تایبەت بەپێی داواو ویست و پێویستیەکانی ئێوە .