تێچوی خوێندن

زانكۆی ئه‌مه‌ریكی له‌سلێمانی ، زانكۆیه‌كی قازانجنه‌ویسته‌ ، بۆ خزمەتکردنی بەرژەوەندیی گشتیی هه‌رێمی كوردستان و عێراق دامەزراوە .

زیاد لەهەشتا دەرسەد (٨٠٪) ی فێرخوازانی زانکۆکە ، لەڕێی سەرچاوەو دامودەزگای جۆراوجۆرەوە ، کۆمەک دەکرێن بۆ تەواوکردنی خوێندن .

زانكۆی ئه‌مه‌ریكی له‌سلێمانی ، هه‌وڵ ده‌دات سەرنجی فێرخوازە هەرە زیرەکەکانی  عێراق و هەرێم بەلای خۆیدا رابکێشێت و بیانگرێتەخۆو لەلای خۆی خوێندنیان پێ تەواو بکات ، به‌بێ گوێدانە  ئەوەی کە : ئاستی گوزەران و داهاتیان چۆنەو سەر بە چ نەتەوەو ئایینێکن .

  • سیاسه‌ت و تێچوی خوێندن بۆ ساڵی خوێندنی ٢٠١٦ - ٢٠١٧‌ ، له‌ مانگی ته‌مموزی ٢٠١٦ وه‌ (بەر لەمانگی تشرینی دوه‌م / نۆڤه‌مبه‌ر ئه‌م سیاسه‌تە ئاڵوگۆڕی به‌سه‌ردا دێت) :

تێچوی خوێندن ، لەسەر بنەمای نمره‌ی به‌كالۆریای عێراق و هه‌رێمی كوردستان دیاری كراوه‌ (تا نمرەکە بەرزبوبێت بڕی کرێی خوێندن هێنراوەتە خوارەوە ، هەروەها بەپێچەوانەوە) .

کرێی خوێندن بابەتێکی سەربەخۆیە ، لەهەمو حاڵەتێکدا وەردەگیرێت ، هەقی بەسەر  سكۆڵارشیپ ەوە نییە كه‌ هەندێجار دابین دەکرێت (بۆ نمونه‌ : سكۆڵارشیپی لێوەشاوەیی زانستی کە ساڵی ٢٠١٣ حكومه‌تی هه‌رێمی كوردستان دابینی کرد) .

له‌وانه‌یه‌ پێوەر لەدابینکردنی سكۆڵارشیپ دا ، لەساڵێکەوە بۆ ساڵێکیتر بگۆڕدرێت (بۆ ئاگاداربون لەهەر ئاڵوگۆڕێکی تازەی تایبەت بەو مەسەلەیە ، تكایه‌ ناوبەناو سه‌ردانی وێبسایتی زانكۆی ئه‌مه‌ریكی - سلێمانی بكه‌) .

ئه‌و فێرخوازانه‌ی  له‌دوای مانگی ته‌مموزی ٢٠١٦ ەوە  له‌زانكۆی ئه‌مه‌ریكی له‌سلێمانی وه‌رده‌گیرێن ، هەروەها ئەو فێرخوازانەی وازیان لەخوێندن هێناوە بەڵام دیسان دەگەڕێنەوە زانکۆکەو وه‌رده‌گیرێنه‌وه‌ ، تێچوی خوێندنی هەر ساڵێکی خوێندنیان ، بەپێی ئەم جەدوەلەی خوارەوە دەبێت (بۆ تێرمی به‌هاره‌و پایزه‌).


تێچوی ساڵی خوێندنی ٢٠١٦-٢٠١٧

به‌كالۆریۆس
تێچوی ساڵانه‌ (دو تێرم)

به‌كالۆریۆس ٪

$1,500 94.50 - 100.00
$2,500 89.50 - 94.49
$3,500 84.50 - 89.49
$4,000 79.50 - 84.49
$5,500 74.50 - 79.49
$6,500 69.50 - 74.49
$8,000 69.49 و كه‌متر
ماسته‌ری كارگێڕیی كار
$1,375 تێچوی هه‌ر كۆرسێك

$23,375

سه‌رجه‌م (١٧ كۆرس، به‌كتێبه‌كانی خوێندنه‌وه‌)


پاره‌ی پێشوەخت تەسلیمکراو:

  • فێرخوازانی تازه‌ خۆناونوسکردو، داوایان لێده‌كرێت پێشەکی بڕی ٥٠٠ دۆلاری ئه‌مه‌ریكی تەسلیمی زانکۆ بکەن (ئه‌و بڕه‌ پاره‌یه‌، هەقی ئەوەیە کە فێرخوازەکە  لەزانکۆکە قەبوڵ کراوە، ناگه‌ڕێنرێته‌وه‌ بۆ فێرخواز).
  • پێویستە بڕێک پارە بسپێردرێتە زانکۆ بۆ گرەنتیکردنی  شتومەکەکانی ناو شوێنی نیشتەچبونی فێرخواز لەبەشی ناوخۆیی، وەکو: کلیل، دۆڵاب، سەللاجە، سبلیت و … هتد.

كۆرسی هاوینه‌و زستانه‌ :

ئەم بڕە پارانە ناچنە چوارچێوەی (کرێی خوێندنی ساڵانە) وە:

  • کرێی کۆرسی هاوینه‌ی به‌رنامه‌ی ئاماده‌سازیی ئه‌كادیمی (کە فێرخواز بەئیختیاری خۆی دەیخوێنێت نەک لەسەر داوای زانکۆکە)، ئەم پارەیە ناشگەڕێندرێتەوە.
  • کرێی كۆرسی زستانەی بەرنامەی تواناسازیی ئەکادیمی (کە فێرخواز بەئیختیاری خۆی دەیخوێنێت نەک لەسەر داوای زانکۆکە)، ئەم پارەیە ناشگەڕێندرێتەوە.
 

پارەیتر:

سه‌رباری تێچوی خوێندن، فێرخوازانی به‌رنامه‌ی ئاماده‌سازیی ئه‌كادیمی، ده‌بێت بۆ هه‌ر تێرمێكی خوێندن نزیكه‌ی ١٠٠ دۆلاری ئه‌مه‌ریكی بده‌ن هەقی دابینکردنی كتێبه‌كانی خوێندن.

  • پارەکان، لەلایەن کتێبخانەی زانكۆوە سەرپەرشتی دەکرێن و رێک دەخرێن.
  • هەر فێرخوازێک پارە نەدات، نمره‌ی نیوه‌ی ساڵ و سەری ساڵی ڕاده‌گیرێت و راناگەیەندرێت، رێیشی نادرێت  بەشێوەی (ئۆنلاین) خۆی ناونوس بکات.

زانكۆی ئه‌مه‌ریكی له‌سلێمانی، وێڕای ئەو بڕە پارانەی لەگرێبەستی خوێندندا لەفێرخوازی داوا کردون، مافی داوکردن و سەپاندنی هەر بڕە پارەیەکی تریشی هەیە ئەگەر ناچار بکرێت.


پارە پێشەکی تەسلیمکراوەکان:

ئه‌مانه‌ی خواره‌وه‌ ده‌گرنه‌وه‌:

  • پارەی پێشەکیی شوێنی نیشته‌جێبون لەبەشی ناوخۆیی فێرخوازان (ته‌نها ئه‌و فێرخوازانه‌ دەگرێتەوە  كه‌ لەبەشی ناوخۆیی نیشتەجێ دەبن).
  • پارەی كتێبه‌كانی خوێندنی به‌كالۆریۆس (بەپێی پرۆگرامەکانی خوێندن دەگۆڕدرێت، واتە : لەفێرخوازێکەوە بۆ فێرخوازێکی تر فەرقی دەبێت).
  • پارەی خزمه‌تگوزارییه‌ جۆراوجۆرەکانی وەکو: (پرنتكردن، راوه‌ستاندنی ئۆتۆمبیل و … هتد).

زانكۆی ئه‌مه‌ریكی له‌سلێمانی، مافپی سەندنی هەر پارەیەکی تریشی هەیە هەرچەند لەگرێبەستی خوێندندا باسیشی نەکرابێت.