ئەرك و بەهاکانمان

 

ئەرکەکانمان

پێگەیاندنی کادری زانستی و پیشەگەرو رابەر ، کاری سەرەکیی زانکوکەمانە.

ئامانجی سەرەکیی زانکۆی ئەمریکی لەسلێمانی بریتییە لە : پەروەردەکردنی فێرخوازان بەشێوەیەکی پیشەییانەو نوێخوازنە کە لەگەڵ کۆمەڵگەیەکی هەمەجۆرو ژینگەیەکی جیهانی بگونجێن ، لەسەر بنەمای کەسێتیی دروست ، گیانی هاونیشتمانێتی ، رەفتاری بەرزی کارکردن ، بەتوانایی لەمامەڵەکردن و  بیرکردنەوەی رەخنەگرانە.

سیستمی پەروەردەیی لەزانکۆی ئەمریکی لەسلێمانی سیستمێکە ئیلهامی لەهونەری لیبڕاڵی ئەمریکی وەرگرتوە ، بەهۆی  فێرکردنی نایاب ، بەرزیی ئاستی خوێندن و بایەخدان بەخزمەتکردنی فێرخواز ، زانکۆ بەردەوام لەگەشەسەندندایە.


بەهاکانمان

ئەو بەهایانەی لەزانکۆی ئەمریکی لەسلێمانی پەرەیان پێدەدرێت ئەمانەن :  سەربەخۆیی ، گیانی  بەرپرسیارێتی ، دیموکراسی ، ئازادی لەدەربڕین و لێکۆڵینەوەدا ، رەخساندنی دەرفەتی یەکسان ، لێبوردەیی ، رێزداری و پیشەگەری .

ئەم بەهایانە بۆ هەمو ئەندامانی زانکۆیە : فێرخوازان ، مامۆستایان و فەرمانبەران ، بەڕێوەبەران و … هتد.

زانکۆ وەک دامەزراوەیەکی نا ‌‌حکومی ، نا حیزبی ، نا خێڵەکی ، سەربەخۆ ، قازانج نەویست ، پێهەڵگرتو بەرەو بەرزترین پێوەرەکانی رەوشت ، دیزاین کراوە ، پابەندە بەرێنماییە یاساییەکان و ماماڵەکردن لەسەر بنەمای یاسا.

سەربەخۆیی زانکۆ زامنی فێرکردنە ، خوێندن و ئەنجامدانی توێژینەوەی زانستی بەو شێوازەی کە  لەکۆلێج و زانکۆ ئیقلیمیەکان و زانکۆکانی وڵاتە یەکگرتوەکانی  ئەمەریکا پەیڕەو دەکرێت ، ئامانجی زانکۆمانە ، زانکۆ هیچ جیاکارییەک ناکات لەسەر بنەمای ڕەگەز ، تەمەن ، نەژاد ، ئاین ، پیشە ، سیاسەت ، باری دارایی و هەر فاکتەرێکی دێمۆگرافی ،  لەوەرگرتنی فێرخوازان ،  یان لەجێبەجێکردنی یاساکانیدا.

بۆ زانیاری زیاتر ده‌رباره‌ی زانکۆی ئه‌مریکی تکایه ته‌ماشای ئه‌م لینکه بکه.